بین الاقوامی فوجداری عدالت نےجاری کیا ولادیمیرپوتن کی گرفتاری کاوارنٹ! ’جنگی جرائم ناقابل معافی‘

بین الاقوامی فوجداری عدالت (International Criminal Court) نے جمعہ کے روز کہا کہ اس نے یوکرین سے بچوں کی غیر قانونی ملک بدری کے حوالے سے جنگی جرائم پر روسی صدر ولادیمیر پوتن (Vladimir Putin) کے خلاف گرفتاری کا وارنٹ جاری کیا ہے۔ اپنے پہلے وارنٹ میں آئی سی سی نے روس کے 70 سال کے صدر پر الزام لگایا کہ وہ مبینہ طور پر بچوں کی غیر قانونی ملک بدری کے جنگی جرم اور مقبوضہ علاقوں سے آبادی (بچوں) کی غیر قانونی منتقلی کے لیے ذمہ دار ہے۔

آئی سی سی نے مزید کہا کہ یہ جرائم مبینہ طور پر یوکرین کے زیر قبضہ علاقے میں کم از کم 24 فروری 2022 سے کیے گئے تھے۔ آئی سی سی نے کہا کہ اس نے اسی طرح کے الزامات کے تحت روس کی صدارتی کمشنر برائے حقوق اطفال ماریہ لیووا بیلووا کے خلاف بھی وارنٹ جاری کیے ہیں۔ بیان میں کہا گیا ہے کہ 22 فروری 2023 کی پراسیکیوشن کی درخواستوں کی بنیاد پر یہ ماننے کے لیے مناسب بنیادیں موجود ہیں کہ ہر مشتبہ شخص آبادی کی غیر قانونی ملک بدری اور یوکرین کے مقبوضہ علاقوں سے روسی باشندوں کو آبادی کی غیر قانونی منتقلی کے جنگی جرم کا ذمہ دار ہے۔

’یہ تو بس شروعات ہے‘

یوکرین کے وزیر خارجہ دیمیٹرو کولیبا نے سوشل میڈیا پوسٹ میں کہا کہ آئی سی سی کے فیصلے کو سراہا اور کہا کہ انصاف کے پہیے گھوم رہے ہیں۔ میں یوکرائنی بچوں کی زبردستی منتقلی پر ولادیمیر پوتن اور ماریہ لیووا-بیلووا کی گرفتاری کے وارنٹ جاری کرنے کے آئی سی سی کے فیصلے کی تعریف کرتا ہوں۔ بین الاقوامی مجرموں کو بچوں کی چوری اور دیگر بین الاقوامی جرائم کے لیے جوابدہ ٹھہرایا جائے گا۔

یوکرین کے صدارتی چیف آف اسٹاف اینڈری یرماک نے کہا کہ روسی صدر کے خلاف وارنٹ گرفتاری روس کے حملے پر انصاف کی بحالی کے لیے صرف ایک ابتدائی قدم ہے۔

یہ بھی پڑھیں: 

• پاکستانی عدالت نےعمران خان کی گرفتاری کا وارنٹ کردیامعطل، پارٹی کارکنوں میں خوشی کی لہر


• پاکستان میں شعبہ ہوا بازی کو سخت مالی مشکلات کا سامنا، کسی بڑےبحران کی پیش قیاسی


• یہ ہےدنیا کاوہ پراسرار گاؤں! یہاں صرف پیداہوتےہیں جڑواں بچے، سائنسداں بھی نہیں جان پائےوجہ


• ترکی میں پھر ٹوٹا قدرت کا قہر، زلزلے کے بعد خوفناک سیلاب، 14 کی موت


• اومیکرون کا ایکس بی بی.1.5 ویرینٹ انتہائی متعددی، جاپان کے محققین کی تحقیق میں ہوا انکشاف

بین الاقوامی فوجداری عدالت کے ہیگ چیمبر نے پوتن کی گرفتاری کا وارنٹ جاری کیا۔ یرمک نے سوشل میڈیا پر کہا کہ یہ صرف شروعات ہے۔

یوکرین کے پراسیکیوٹر جنرل اینڈری کوسٹن نے بھی وارنٹ کو سراہتے ہوئے اسے ایک تاریخی فیصلہ قرار دیا۔ کوسٹن نے سوشل میڈیا پر ایک بیان میں کہا کہ دنیا کو یہ اشارہ ملا ہے کہ روسی حکومت مجرمانہ ہے اور اس کی قیادت اور حواریوں کو جوابدہ ٹھہرایا جائے گا۔