بڑی خبر: اسلام مخالف ہونے کا الزام لگا کر عمران حکومت نے اٹھایا یہ بڑا قدم، PUBG پر عائد کردی پابندی

اسلام آباد: پاکستان کی عمران خان حکومت (Imran Khan Government) نے بے حد مقبول موبائل گیم پب جی (PUBG) پر پابندی (Ban on PUBG) عائد کردی ہے۔ حکومت نے اس گیم پر اسلام مخالف (Anti Islam) ہونے کا الزام بھی عائد کیا ہے۔ حکومت نے اس گیم کو صحت کے لئے نقصاندہ اور خراب کرنے والا بتاتے ہوئے کہا کہ ایک بری لت (عادت) ہے۔ حکومت نے کہا کہ اس کھیل کی عادت سے نوجوانوں کی جسمانی اور ذہنی صحت پر منفی اثر پڑ رہا ہے۔  پب جی پر پابندی عائد کئےجانے کے بعد قیاس آرائی کی جارہی ہے کہ پب جی گیم پر عائد کی گئی پابندی کے سبب تحریک انصاف پارٹی کو نوجوانوں کی ناراضگی کا خمیازہ بھگتنا پڑ سکتا ہے۔ حالانکہ حکومت کے اس قدم کی بڑے پیمانے پر تعریف بھی ہو رہی ہے۔

الیکشن میں ہوسکتا ہے نقصان

پب جی ہندوستان کی طرح پاکستان کے نوجوانوں میں کافی مقبول ملٹی پلیئر موبائل گیم ہے۔ اس گیم پر پابندی عائد ہونے کے بعد یہ اندازہ لگایا جارہا ہے کہ نوجوان رائے دہندگان عمران خان کی پارٹی کو ٓئندہ انتخابات میں ووٹ نہ کریں۔ پاکستان ٹیلی کمیونی کیشن اتھارٹی نے بتایا کہ ملک میں پب جی گیم کے سبب نوجوانوں پر جسمانی اور ذہنی دباو پڑ رہے ہیں۔ ان حالات میں نوجوانوں کی خود کشی کے معاملے میں تیزی آئی ہے۔ پاکستان میں اب تک تین نوجوانوں نے خود کشی کرلی ہے۔ پی ٹی اے نے اسلام آباد ہائی کورٹ میں سماعت کے دوران کہا کہ پب جی گیم میں کچھ نظارے اسلام مخالف ہوتے ہیں، جنہیں پاکستان میں اجازت نہیں دی جاسکتی ہے۔



سال 2013 میں بھی پاکستان میں ان پر عائد ہوئی تھی پابندی

پاکستان حکومت نے 2013 میں کال آف ڈیوٹی اور میڈل آف آنر پر پابندی عائد کردی تھی۔ اس گیمس پر پابندی عائد کئے جانے کو لےکر حکومت نے ترک دیا تھا کہ اس گیمس میں پاکستان کو دہشت گردوں کا ٹھکانا دکھایا گیا تھا۔ وہیں پاکستانی خفیہ ایجنسی آئی ایس آئی اور القاعدہ سمیت کئی دہشت گرد تنظیموں میں تعلقات بھی دکھایا گیا تھا۔ پاکستان میں چین کی مقبول ویڈیو ایپ ٹک ٹاک پر پابندی عائد کرنے کے لئے عرضی داخل کی گئی ہے۔ حالانکہ پاکستان میں اسے ممنوع قرار دینے کو مذہبی وجہ بتائی گئی ہے۔ عرضی میں کہا گیا ہے کہ ٹک ٹاک کے ذریعہ اسلام مخالف مواد سوشل میڈیا پر شیئر کئے جارہے ہیں۔