وزیر اعظم عمران خان کی سابق بیوی پر جان لیوا حملہ، پاک پی ایم پر بھڑکیں ریحام خان

نئی دہلی. پاکستان کے وزیر اعظم عمران خان (pakistan pm imran khan) کی سابق اہلیہ (Ex-wife) ریحام خان (Reham Khan) نے دعویٰ کیا ہے کہ ان کی گاڑی کو بندوق کی نوک پر ہائی جیک کیا گیا اور ان پر جان لیوا حملہ کیا گیا۔ اس واقعے کے بعد ریحام خان نے پاکستان کے وزیر اعظم عمران خان کو جم کر کھری کھوٹی سنائی ہے۔ ریحام خان نے خود ٹویٹ کرکے اس حملے کی معلومات دی ہے۔ ریحام نے ٹویٹ میں لکھا ہے کہ کچھ لوگوں نے ان کی گاڑی پر فائرنگ کی جس میں وہ بال بال بچ گئیں۔ ریحام نے عمران حکومت کو نشانہ بناتے ہوئے کہا کہ کیا یہ عمران خان کا نیا پاکستان ہے؟ ریحام خان نے لکھا ہے کہ ان پر اس وقت حملہ کیا گیا جب وہ اپنے بھتیجے کی شادی سے واپس آرہی تھیں۔

ریحام خان نے لکھا کہ 'میں اپنے بھانجے کی شادی سے واپس لوٹ رہی تھی کہ کچھ لوگوں نے میری گاڑی پر فائرنگ کی اور دو موٹر سائیکل سواروں نے گن پوائنٹ پر میری گاڑی کو روکنے کی کوشش کی۔ تبھی میں نے کار بدل لی۔ میرے سکیورٹی اہلکار اور ڈرائیور گاڑی کے اندر موجود تھے۔ کیا یہ عمران خان کا نیا پاکستان ہے؟ بزدلوں، منافقوں اور لالچیوں کے ملک میں آپ کا استقبال ہے۔

On the way back from my nephew’s marriage my car just got fired at & two men on a motorbike held vehicle at gunpoint!! I had just changed vehicles.
My PS & driver were in the car. This is Imran Khan’s New Pakistan? Welcome to the state of cowards, thugs & the greedy!!

— Reham Khan (@RehamKhan1) January 2, 2022

عمران حکومت کو ذمہ داری لینی چاہئے
انہوں نے ایک اور ٹویٹ میں لکھا، آپ مجھے جانتے ہیں، میں بزدلانہ طریقے سے کوشش کرنے کے بجائے سامنے سے لڑنا پسند کروں گی۔ انہوں نے ایک اور ٹویٹ میں لکھا کہ میں ایک عام پاکستانی کی طرح پاکستان میں جینا اور مرنا چاہتی ہوں۔ چاہے مجھ پر بزدلانہ حملہ کیا جائے یا امن و امان کی دھجیاں بیچ سڑک پر اڑائی جائیں۔  انہوں نے عمران خان  پر نشانہ لگاتے ہوئے کہا کہ اس حکومت کو اس کی ذمہ داری لینی چاہیے۔ میں اپنے ملک کے لیے گولی کھانے کو بھی تیار ہوں۔

I choose to live & die like the average Pakistani in Pakistan. Whether it was a cowardly targeted attack or just the state of lawlessness on the main highway of the twin cities…this so called government should be held accountable for it! For my homeland I can take a bullet! https://t.co/d3J5mj8xVc

— Reham Khan (@RehamKhan1) January 2, 2022

طلاق کے بعد ریحام خان کئی بار عمران حکومت پر حملہ آور ہو چکی ہیں۔ پہلے  بھی وہ اپنے سابق شوہر عمران خان کو کئی معاملات پر گھیر چکی ہیں۔ اس سے قبل انہوں نے پاکستان میں ریپ کے حوالے سے عمران خان کے بیان پر عمران حکومت کو گھیر لیا تھا۔ عمران خان نے کہا تھا کہ پاکستان میں ریپ کے واقعات بڑھ رہے ہیں کیونکہ لڑکیاں کپڑے پہننے میں بھارت کی نقل کرتی ہیں۔ عمران خان کے متنازعہ بیان کو ریحام خان نے ڈھونگی قرار دے دیا تھا۔ ریحام خان نے مطالبہ کیا تھا کہ پاکستانی وزیراعظم خواتین سے متعلق اپنے متنازع بیان پر معافی مانگیں۔

قومی، بین الاقوامی اور جموں وکشمیر کی تازہ ترین خبروں کےعلاوہ تعلیم و روزگار اور بزنس کی خبروں کے لیے نیوز18 اردو کو ٹویٹر اور فیس بک پر فالو کریں ۔