Imran Khan: عمران خان کو بڑی راحت، انسداد دہشت گردی عدالت نے دی ضمانت، جانچ میں تعاون کی ہدایت

اسلام آباد: پاکستان میں ان دنوں سیاسی ہلچل مچی ہوئی ہے۔ پاکستان کی موجودہ حکومت سابق وزیراعظم عمران خان کے خلاف مسلسل ایکشن لے رہی ہے۔ حالانکہ عدالت عمران خان پر مہربان ہوتی ہوئی نظر آرہی ہے۔ اسی کڑی میں آج جمعہ کو عمران خان کو انسداد دہشت گردی کی عدالت سے ضمانت بھی مل گئی ہے۔ لاہور کی انسداد دہشت گردی عدالت نے عمران خان کی 2 جون تک ضمانت قبل از گرفتاری منظور کرلی ہے۔ عمران خان کو یہ ضمانت ان کے حامیوں کی جانب سے 9 مئی کو گرفتاری کے بعد تشدد کے کیس میں ملی ہے۔

عمران خان کی گرفتاری پر ہوا تھا ہنگامہ
بتا دیں کہ 9 مئی کو عمران خان کو القادر ٹرسٹ اسکینڈل میں اسلام آباد ہائی کورٹ سے ہی گرفتار کیا گیا تھا۔ اس کے بعد کافی ہنگامہ ہوا تھا۔ اس کے ساتھ ساتھ فوج سے متعلق اداروں پر حملوں کی وجہ سے عمران خان کی جماعت اب حکومت اور فوج دونوں کے نشانے پر ہے۔ کئی رہنما کارروائی کے خوف سے پارٹی چھوڑ چکے ہیں۔ اس کے ساتھ ہی تشدد میں ملوث ہونے کے ملزمین نے بھی غلطی قبول کرتے ہوئے معافی مانگ لی ہے۔

جب سپریم کورٹ میں 2 ججوں کی حلف برداری کے وقت چیف جسٹس آف انڈیا چندر چوڑ کے قلم کے ساتھ ہوا یہ واقعہ! سبھی ہوئے حیران

مافیا مختار انصاری کے بیٹے عمر کو سپریم کورٹ سے جھٹکا، زمین ہڑپنے کے معاملے میں راحت دینے سے انکار

انسداد دہشت گردی کی عدالت نے عمران کی 2 جون تک ضمانت منظور کرلی
عمران خان کے حامیوں نے پاک فوج کے کور کمانڈر کے گھر جناح ہاؤس پر بھی حملہ کیا تھا۔ بانی پاکستان محمد علی جناح کبھی اس جناح ہاؤس میں رہتے تھے۔ جس کی وجہ سے معاملہ بڑھ گیا اور پھر پی ٹی آئی کو پیچھے ہٹنا پڑا۔ اسے دہشت گردی کا مقدمہ سمجھتے ہوئے عمران خان اور ان کے حامیوں کے خلاف مقدمہ درج کیا گیا ہے۔ تاہم عمران خان کو بڑا ریلیف دیتے ہوئے عدالت نے 2 جون تک ضمانت دے دی ہے۔

عمران خان نے آزادانہ تحقیقات کا مطالبہ کیا
بتا دیں کہ فوج نے عمران خان کو دو آپشن دیے ہیں، یا تو وہ ملک چھوڑ دیں یا پھر جیل جانے کے لیے تیار رہیں۔ عمران خان نے فوج پر الزام لگاتے ہوئے کہا کہ فوج دہشت گردوں کو کنٹرول کرتی ہے۔ ان کی پرورش کرتی ہے. پاکستان کے سابق وزیر اعظم عمران خان نے بدھ کے روز تشدد کی آزادانہ تحقیقات کا مطالبہ کیا ہے، گزشتہ ہفتے اپنی گرفتاری کے بعد حکومتی اور فوجی تنصیبات پر حملوں سے خود کو اور اپنی پارٹی کو دور رکھتے ہوئے آزادانہ تحقیقات کا مطالبہ کیا ہے۔