پاکستان کے وزیر اعظم عمران خان کو آئی  بالاکوٹ ایئر اسٹرائک کی یاد، پھر کیا ونگ کمانڈر ابھینندن کا ذکر

اسلام آباد: دو سال قبل  14 فروری کو  جموں و کشمیر کے پلوامہ  (Pulwana)  میں ہندستانی فوجی جوانوں  پر حملے کا سبق سکھانے کے لئے ہندستان نے دہشت گرد ٹھکانوں کو تباہ کرنے کے ارادے سے  پاکستان Pakistan کے بالاکوٹ میں ایئر اسٹرائک (Balakot Air Strike) کی تھی۔ اس سے  بوکھلایا پاکستان جب 27 فروری کو ہندوستانی سرحد کے اندر داخل ہوا تو ہندوستانی فضائیہ نے اس کو بری طرح کھدیڑا تھا۔ پاکستان کے وزیر اعظم عمران خان اس پر آج بھی  اپنا سینہ چوڑا کرنے سے باز نہیں آئے۔ انہوں نے پاکستان میں سیز فائر کی خلاف ورزی اور ہندستان میں دراندازی کرنے والے دہشت گردوں کی پناہ گاہ بنے پاکستان کو  'امن و استحکام' کی وکالت کی ہے اور ساری ذمے داری ہندستان پر ڈال دی ہے۔
پاکستان کے وزیر اعظم عمران خان (pakistan pm imran khan) نے ٹویٹ کیا ہے، پاکستان پر ہندستان کے غیر قانونی فوجی فضائی حملے کے دو سال پورے  ہونے پر پورے ملک اور اپنی فوج کو مبارکباد پیش کرتا ہوں۔ ایک فخریہ اور پراعتماد قوم کی حیثیت سے ہم نے اپنے وقت اور مقام پر سخت رد عمل کا اظہار کیا۔ قید  کئے گئے پائلٹ ونگ کمانڈر ابھینندن وردھمان کو واپس کرکے  ہم نے بھارت کے غیر ذمہ دارانہ فوجی (Instability)  رویے کا سامنا کرتے ہوئے بھی دنیا کے ساتھ پاکستان کے ذمہ دارانہ رویہ کا مظاہرہ کیا۔
یہی نہیں عمران خان نے آگے لکھا، ہم ہمیشہ امن کیلئے کھڑے ہیں اور بات چیت سے سبھی مسئلے سلجھانے کیلئے آگے بڑھنے کو تیار ہیں۔ میں لائن آف کنٹرول پر سیز فائر کا استقبال کرتا ہوں۔ آگے بات چیت کیلئے  سازگار ماحول پیدا کرنے کی ذمہ داری بھارت پر ہے۔ طویل وقت سے چلی آ رہی کشمیر کی آزادی کی مانگ اور حق کو دینے کیلئے یو این ایس سی  (UNSC) کی قرارداد (Resolution) کے مطابق ہندستان  کو قدم اٹھانے چاہئے۔

I congratulate the entire nation & salute our Armed Forces on the 2nd Anniversary of our response to India's illegal, reckless military adventure of air strikes against Pakistan. As a proud & confident nation, we responded with determined resolve at a time & place of our choosing

— Imran Khan (@ImranKhanPTI) February 27, 2021

پاکستان کے وزیراعظم عمران خان نے ہفتے کے روز ہند-پاک سرحد پر جنگ بندی کی بحالی کا خیرمقدم کرتے ہوئے کہا کہ پاکستان بات چیت کے ذریعہ تمام باقی مسائل کا حل نکالنے کے لئے تیار ہے، لیکن ہندوستان کو مذاکرات آگے بڑھانے کے لئے مناسب ماحول تیار کرنا ہوگا۔عمران خان نے سرحد پار سے گولی باری پر جنگ بندی کی بحالی کا خیر مقدم کرتے ہوئے ٹویٹ کیا، ’میں ایل او سی کے پاس جنگ بندی کی بحالی کا خیر مقدم کرتا ہوں۔ آگے کی ڈیولپمنٹ کے لیے ہندوستان کو خوشگوار ماحول کے ساتھ آگے آنا ہوگا‘۔

میں ایل او سی جنگ بندی کی بحالی کا خیر مقدم کرتا ہوں۔ مزید پیش رفت کیلئے ایک سازگار ماحول پیدا کرنے کی ذمہ داری بھارت پر عائد ہوتی ہے۔ہندوستان اہلِ کشمیر کے دیرینہ مطالبےکی منظوری اور سلامتی کونسل کی قراردادوں کی روشنی میں انہیں حقِ خودارادیت کی فراہمی کیلئےضروری اقدامات اٹھائے۔

— Imran Khan (@ImranKhanPTI) February 27, 2021

پاکستانی وزیر اعظم عمران خان نے ایک دیگر ٹوئٹ میں کہا، ’ہم ہمیشہ امن کے حق میں ہیں اور مذاکرات کے ذریعے سے تمام مسائل کو حل کرنے کی خاطر آگے بڑھنے کے لئے تیار ہیں‘۔ ہندوستان نے رواں ہفتے پاکستان کے وزیراعظم کے طیارے کو سری لنکا کے لیے ملک کے ہوائی علاقے سے گزرنے کی اجازت دی تھی۔ عمران خان کا یہ بیان فوجی سربراہ جنرل قمر باجوہ کی جانب سے رواں ماہ کے آغاز میں کشمیر کے مسائل کو ’پرامن‘ طریقے سے حل کرنے کی اپیل کے بعد آیا ہے۔

ہندوستان کی غیر ذمہ دارانہ عسکری شرانگیزی کے باوجود گرفتار بھارتی ہواباز واپس کرکے پاکستان نے دنیا کے سامنے اپنے ذمہ دارانہ رویے کا اظہار کیا۔ ہم نے ہمیشہ امن کا علم بلند کیا ہے اور بات چیت کے ذریعے تمام تنازعات کا حل نکالنے کیلئے تیار رہتے ہیں۔

— Imran Khan (@ImranKhanPTI) February 27, 2021

پاکستان کیخلاف فضائی حملےکی شکل میں بھارت کی غیرقانونی عاقبت نااندیش عسکری مہم جوئی پرہماری جوابی کارروائی کو 2 برس مکمل ہونےپرمیں قوم کو مبارکباد اور اپنی افواج کو سلام پیش کرتا ہوں۔ ایک با اعتماد اور فاخر قوم کے ناطےہم نےپورے عزم واستقلال سے اپنی مرضی کےوقت اورمقام پر جواب دیا۔

— Imran Khan (@ImranKhanPTI) February 27, 2021

حالانکہ  عمران خان نے اپنے پرانے مطالبے کو دہراتے ہوئے کہا،’ہندوستان کو لمبے عرصے سے جاری ہمارے مطالبے کو پورا کرنے کے لئے ضروری اقدامات کرنے چاہئے اور کشمیری عوام کو اقوام متحدہ سیکورٹی کونسل (یو این ایس سی) کی قرار دادوں کے مطابق از خود فیصلہ کرنے کا حق دینا چاہئے۔