உங்கள் மாவட்டத்தைத் தேர்வுசெய்க

    پلوامہ حملہ کو لے کر کشیدگی کے درمیان پاکستان نے بنایا’ کرائسس مینجمنٹ سیل‘۔

    علامتی تصویر

    علامتی تصویر

    وزرات خارجہ کے ترجمان محمد فیضل نے بتایا کہ یہ سیل سرحد پر ہونے والی ہر سرگرمی پر نظر رکھے گا۔

    • Share this:
      پلوامہ دہشت گردانہ حملے کے بعد پاکستان نے کرائسس مینجمنٹ سیل قائم کیا ہے۔ کہا جا رہا ہے کہ ہندوستان اور پاکستان کے درمیان بڑھ رہی کشیدگی کے مدنظر پاکستان نے ایسا کیا ہے۔ ایکسپریس ٹریبیون میں ہفتہ کے روز شائع ایک رپورٹ کے مطابق، وزرات خارجہ کے ترجمان محمد فیضل نے بتایا کہ یہ سیل سرحد پر ہونے والی ہر سرگرمی پر نظر رکھے گا۔

      پاکستان کی وزرات خارجہ کا تشکیل کردہ یہ سیل بغیر کسی چھٹی کے پورے ہفتے کام کرے گا۔ بتا دیں کہ پلوامہ حملہ میں سی آر پی ایف کے 40 جوان شہید ہو گئے تھے۔ اس کے بعد وزیر اعظم نریندر مودی نے سلامتی دستوں کو کھلی چھوٹ دے دی تھی۔ اس حملہ کی ذمہ داری پاکستان کی دہشت گرد تنظیم جیش محمد نے لی تھی۔

      پلوامہ حملہ میں ہاتھ ہونے سے پاکستان نے انکار کرتے ہوئے کہا کہ بغیر کسی ثبوت کے اسے کیوں ذمہ دار ٹھہرایا جا رہا ہے۔ اس نے کہا کہ اگر ہندوستان جنگ کرے گا تو پاکستان سوچے گا نہیں بلکہ جواب دے گا۔
      First published: