ہوم » نیوز » عالمی منظر

پابندی کا سامنا کرنے والی ایران کی نامور شطرنج کی کھلاڑی اب امریکہ کے لئے کھیلے گی

نیو یارک ۔ ایران کی ایک نامور شطرنج کی کھلاڑی، جسے ہیڈ اسکارف نہ پہننے پر اپنے ملک میں پابندی کا سامنا تھا، اب امریکا کے لیے شطرنج کھیلیں گی۔

  • UNI
  • Last Updated: Oct 06, 2017 07:55 PM IST
  • Share this:
  • author image
    NEWS18-Urdu
پابندی کا سامنا کرنے والی ایران کی نامور شطرنج کی کھلاڑی اب امریکہ کے لئے کھیلے گی
اس واقعے کے بعد سے یہ نوجوان لڑکی اب امریکا میں رہائش پذیر ہے، جہاں وہ سینٹ لوئس یونیورسٹی کی طالبہ ہے اور اس تعلیمی ادارے کی شطرنج کی ٹیم کا حصہ بھی ہے۔: تصویر، ٹوئیٹر۔

نیو یارک ۔  ایران کی ایک  نامور شطرنج کی کھلاڑی، جسے ہیڈ اسکارف نہ پہننے پر اپنے ملک میں پابندی کا سامنا تھا، اب امریکا کے لیے شطرنج کھیلیں گی۔ تھامسن روئٹرز فاؤنڈیشن کی رپورٹ کے مطابق انیس سالہ ڈوسرا درخشانی پر ’ایرانی چیس فیڈریشن‘ نے اس لیے پابندی عائد کر دی تھی کیوں کہ اس سال جنوری میں ڈوسرا نے ’جبرالٹر‘ نامی شطرنج کے مقابلے میں اپنا سر نہیں ڈھانپا تھا۔


اس واقعے کے بعد سے یہ نوجوان لڑکی اب امریکا میں رہائش پذیر ہے، جہاں وہ سینٹ لوئس یونیورسٹی کی طالبہ ہے اور اس تعلیمی ادارے کی شطرنج کی ٹیم کا حصہ بھی ہے۔ امریکی چیس فیڈریشن کی ویب سائٹ پر شائع ہونے والی تفصیلات کے مطابق اب ڈوسرا سرکاری طور پر امریکا میں چیس کی کھلاڑی بن گئی ہیں۔


ایران میں 1979ء کے بعد سے یہ قانون نافذ ہے کہ خواتین ’مہذب‘ لباس پہنیں گی۔ ضابطہٴ لباس کے مطابق خواتین کے سَر مکمل طور پر ڈھکے ہونے چاہئں، پتلون یا شلوار لمبی ہونی چاہیے اور ممکن ہو تو ملبوسات کے رنگ گہرے اور سیاہ ہونے چاہئیں ۔

First published: Oct 06, 2017 07:55 PM IST
corona virus btn
corona virus btn
Loading