உங்கள் மாவட்டத்தைத் தேர்வுசெய்க

    Israel Election:پانچویں انتخابات کی جانب اسرائیل، وزیراعظم بینیٹ نے پارلیمنٹ تحلیل کرنے کا کیا اعلان

    اسرائیل کے وزیر اعظم نفتالی بینیٹ (Naftali Bennett)

    اسرائیل کے وزیر اعظم نفتالی بینیٹ (Naftali Bennett)

    Israel Heading To Elections: اس سے پہلے پیر کے روز، بینیٹ کی حکومت نے اتحاد میں بغاوت کے باوجود، پیر کی سہ پہر کنیسٹ میں دو عدم اعتماد کے ووٹوں کو 57-52 ووٹوں سے شکست دی تھی۔

    • Share this:
      تل ابیب:Israel Heading To Elections:اسرائیل (Israel)ساڑھے تین سال میں اپنے پانچویں انتخابات کی طرف بڑھ گیا ہے۔ دراصل، اسرائیل کے وزیر اعظم (Prime Minister)نفتالی بینیٹ (Naftali Bennett) اور متبادل وزیر اعظم یائر لاپیڈ(Yair Lapid) کے پیر کو اتحاد کو مستحکم کرنے کی کوششوں سے دستبردار ہونے کے بعد نئے انتخابات کی صورتحال پیدا ہوئی ہے۔ وزیراعظم بینیٹ کے دفتر کا کہنا ہے کہ حکومت تحلیل کر دی جائے گی، اور ملک میں نئے انتخابات منعقد کیے جائیں گے۔

      ایک مشترکہ بیان میں، بینیٹ اور لایپڈ نے کہا کہ وہ کنیسٹ یا پارلیمنٹ کو تحلیل کرنے کے لیے اگلے پیر کو ووٹنگ کے لیے ایک بل لائیں گے۔ یعنی اکتوبر میں انتخابات ہونے کا امکان ہے۔ بینیٹ کے قریبی ذرائع نے بتایا کہ دونوں کا مقصد اپنی اپنی شرائط پر الیکشن شروع کرنا تھا اور وہ اپوزیشن لیڈر بنجمن نیتن یاہو کی جانب سے مجبور کیے جانے سے بچنا چاہتے تھے۔

      لاپیڈ نئی حکومت کے اقتدار میں آنے تک نگران پی ایم بنے رہیں گے
      اتحادی معاہدے کے مطابق انتخابات اور نئی حکومت کے اقتدار میں آنے تک لاپیڈ نگران وزیراعظم بنے رہیں گے۔ وہ اگلے ماہ اسرائیل پہنچنے پر امریکی صدر جو بائیڈن کا استقبال بھی کریں گے۔ بینیٹ اور لایپڈ نے ایک بیان میں کہا، "ایک بار منظوری ملنے کے بعد، روٹیشن کو منظم طریقے سے کیا جائے گا۔

      نیتن یاہو کے پاس اب بھی ہے ایک موقع
      ابھی بھی امکان موجود ہے کہ نیتن یاہو موجودہ کنیسٹ کے اندر ایک متبادل حکومت بنانے میں کامیاب ہو سکتے ہیں۔ ایسا اس صورت میں ہو گا جب اتحادی ارکان (نیو ہوپ اور یامینا سے) اپنا رخ بدل لیں اور نیتن یاہو کے دائیں بازو کے دھڑے میں شامل ہوں۔

      یہ بھی پڑھیں:
      Explained: روس یوکرین جنگ سے خوراک کے بحران نے کیسے لیا جنم؟ جانیے مکمل تفصیلات

      یہ بھی پڑھیں:
      Kabul Attack:’گرودوارا کرتے پروان صاحب‘ پر حملے کے بعد اقلیتوں میں خوف

      اس سے پہلے پیر کے روز، بینیٹ کی حکومت نے اتحاد میں بغاوت کے باوجود، پیر کی سہ پہر کنیسٹ میں دو عدم اعتماد کے ووٹوں کو 57-52 ووٹوں سے شکست دی تھی۔
      Published by:Shaik Khaleel Farhaad
      First published: