وزیراعظم مودی سے ملنے کے لیے پرجوش ہیں صدر بائیڈن، جی20 چوٹی کانفرنس میں ہوگی ملاقات

امریکی قومی سلامتی مشیر جیک سولیون نے جمعہ کو کہا کہ صدر جوبائیڈن اس سال جی ٹوئنٹی چوٹی کانفرنس میں وزیراعظم نریندر مودی سے ملنے کے لیے کافی پرجوش ہیں۔ سولیون سے جب پوچھا گیا کہ کیا وزیراعظم مودی وہائٹ ہاوس کا دورہ کریں گے، جس کے جواب میں انہوں نے کہا، ’ہندوستان اگلے سال جی20 کی قیادت کرے گا۔ اس لیے صدر بائیڈن یقینی طور سے جی ٹوئنٹی میں شامل ہونے کے لیے پرجوش ہیں۔‘

بائیڈن-مودی کے دور میں ہند-امریکی تعلقات ہوئے مضبوط
انہوں نے بتایا کہ صدر بائیڈن کے عہدہ صدارت سنبھالنے کے بعد سے پی ایم مودی پہلے ہی وہائٹ ہاوس آچکے ہیں۔ انہوں نے کہا’دونوں کو شخصی طور سے بات کرنے اور فون پر بات کرنے کا موقع ملا ہے۔ جب آپ یہ سب جوڑتے ہیں تو دونوں کے درمیان ایک بہت ہی پائیدار اور اچھا تعلق ہوتا ہے، جو ایک عام دلچسپی کو دیکھتے ہیں۔ کئی اہم مدعے ہیں اور حقیقت میں ہند-امریکہ شراکت داری کو مضبوط کرنے کے لیے کام کیا ہے۔

یہ بھی پڑھیں:
اقوام متحدہ جنرل اسمبلی میں افغانستان کی حالت پر ہندوستان نے کہا-ملک میں چاہتے ہیں امن

یہ بھی پڑھیں:
23سالہ ہندوستانی نژادامریکی نبیلا سیدنے رقم کی تاریخ، امریکی وسط مدتی انتخابات میں ملی جیت

چین نے ایل اے سی پر مستقل کنٹرول حاصل کرنے کے لیے منصوبہ بند طریقہ سے کی تھی دراندازی

پی ایم مودی سے ملنے کے لیے کافی پرجوش ہیں بائیڈن
جیک سولیون نے کہا کہ صدر بائیڈن پی ایم مودی سے ملنے کے لیے کافی پرجوش ہیں۔ انہوں نے کہا، صدر بائیڈن اس سال جی ٹوئنٹی میں وزیراعظم مودی کو دیکھنے کے لیے کافی پرجوش ہیں، ساتھ ہی ہم اگلے سال کا بھی پروگرام دیکھ رہے ہیں۔ اس سے پہلے جمعہ کو صدر بائیڈن نے 27ویں سی او پی 27 سے الگ مصر کے صدر عبدالفتح السیسی سے ملاقات کی تھی۔