سعودی عرب کی حکومت نے کورونا وبا کی روک تھام کے لئے مؤثر اقدامات کئے اور ان اقدامات کی کامیابی کے باعث رواں سال دنیا بھر سے لاکھوں مسلمانوں کو حج کی سعادت حاصل کرنے کا موقع ملا۔ سال 2019 میں حج کی ادائیگی میں دنیا بھر سے تقریباً 25 لاکھ مسلمانوں نے شرکت کی تھی اور یہ تاریخ میں عازمین حج کی تعداد کے اعتبار سے ایک ریکارڈ تھا۔
- ہوم »
- نیوز »
- عالمی منظر
سعودی فرمانروا شاہ سلمان بن عبدالعزیز آل سعود نے کہا- ہم نے اس سال عازمین حج کی تعداد بڑھا کر 10 لاکھ کر دی
سعودی فرمانروا خادم حرمین شریفین شاہ سلمان بن عبدالعزیز آل سعود نے ٹیلی وژن پر اپنے خطاب میں حجاج کرام کی حفاظت کے حوالے سے مملکت کی دلچسپی اورکاوشوں کی یقین دہانی کراتے ہوئے کہا ہے کہ اس سال حجاج کرام کی تعداد 10 لاکھ تک پہنچ گئی ہے۔
سعودی فرمانروا خادم حرمین شریفین شاہ سلمان بن عبدالعزیز آل سعود نے ٹیلی وژن پر اپنے خطاب میں حجاج کرام کی حفاظت کے حوالے سے مملکت کی دلچسپی اورکاوشوں کی یقین دہانی کراتے ہوئے کہا ہے کہ اس سال حجاج کرام کی تعداد 10 لاکھ تک پہنچ گئی ہے۔
- News18 Urdu
- Last Updated :
ریاض: خادم حرمین شریفین شاہ سلمان بن عبدالعزیز آل سعود نے حجاج کرام کی حفاظت کے حوالے سے مملکت کی دلچسپی اور کاوشوں کی یقین دہانی کرتے ہوئے کہا ہے کہ اس سال حجاج کی تعداد 10 لاکھ تک پہنچ گئی ہے۔ ٹیلی وژن پر اپنے خطاب میں سعودی فرمانروا نے مزید کہا ’’کہ مملکت کی طرف سے (کورونا وائرس) وبائی مرض کا مقابلہ کرنے میں حاصل کی گئی شاندار کامیابی کے نتیجے میں ہم نے اس سال کے سیزن کے لیے اندرون و بیرون ملک سے آنے والے عازمین کی تعداد کو بڑھا کر 10 لاکھ تک پہنچا دی، جبکہ احتیاطی تدابیر اختیار کرتے ہوئےحجاج کی حفاظت کو یقینی بنایا اور ان کی صحت کا خیال رکھا گیا۔‘‘
انہوں نے کہا کہ ’صحت کی غیرمعمولی صورتحال نے پوری دنیا کو متاثرکیا، ہم حجاج کی واپسی میں سہولت فراہم کرنے کے لئے خدا کا شکر ادا کرتے ہیں۔ حج کو کامیاب بنانے کے لئے مملکت میں تمام شعبوں میں کارکنان کی جانب سے کی جانے والی زبردست کوششوں پران کا بھی شکریہ ادا کرتے ہیں۔‘‘
#خادم_الحرمين_الشريفين:
نتيجةً للنجاح الكبير الذي حققته المملكة في مواجهة جائحة (كورونا)، رفعنا عدد حجاج موسم هذا العام ليكون مليون حاج من الداخل والخارج، مع الأخذ بالإجراءات الاحترازية الوقائية، حرصاً على سلامة الحجاج، وعنايةً بصحتهم.#واس pic.twitter.com/2u7x77QOiD
— واس الأخبار الملكية (@spagov) July 9, 2022
شاہ سلمان نے کہا کہ جو کچھ کیا ہے اور جو کچھ وہ کر رہے ہیں، اس کے لئے ان کا شکریہ ہے۔ یہ ہمارے لئے بہت بڑا اعزاز ہے کہ ہمارے ملک کو حرمین شریفین کی خدمت کا شرف حاصل ہے۔ حج بیت اللہ کے لئے آنے والے دنیا بھر کے مسلمان ہمارے مہمان ہیں۔ ان کی حفاظت اور سلامتی ہماری ذمہ داری ہے۔
یہ بھی پڑھیں۔
کورونا وائرس کے بعد سب سے بڑا حج سیزن
سعودی حکام نے 10 لاکھ مسلمانوں کو اس شرط پر حج کی اجازت دینے کا اعلان کیا تھا کہ بہ شرطیکہ وہ کورونا کی ویکسین کا کورس مکمل کریں۔ اس بار بیرون ملک سے ساڑھے آٹھ لاکھ مسلمان فریضہ حج کی ادائیگی کے لئے آئے۔ گزشتہ دو سال کے دوران حج محدود ہوکر رہ گیا تھا اور وبا کی وجہ سے اندرون اور بیرون ملک سے حجاج حج کے لئے نہیں آسکے۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔