ہوم » نیوز » عالمی منظر

پاکستان: مسجد میں ڈانس کرنے پر اداکارہ صبا قمر کو ملی جان سے مارنے کی دھمکی، ایف آئی آر درج

اداکارہ صبا قمر بالی ووڈ فلم ’ ہندی میڈیم‘ میں بھی نظر آئی تھیں۔ صبا قمر کو سوشل میڈیا پر جان سے مارنے کی دھمکی بھی دی جا رہی ہے۔

  • Share this:
پاکستان: مسجد میں ڈانس کرنے پر اداکارہ صبا قمر کو ملی جان سے مارنے کی دھمکی، ایف آئی آر درج
مسجد میں ڈانس کرنے پر اداکارہ صبا قمر کو ملی جان سے مارنے کی دھمکی

لاہور۔ پاکستان (Pakistan) کے پنجاب صوبہ کی حکومت نے لاہور (Lahore) میں واقع تاریخی وزیر خان مسجد (Masjid Wazir Ali Lahore) میں پاکستانی اداکارہ صبا قمر کو میوزک ویڈیو  (Saba Qamar Bilal Saeed Dance Video) شوٹ کرنے کی اجازت دینے والے دو حکام کو معطل کر دیا ہے۔ وہیں، مسجد کے تقدس کو پامال کرنے کے الزام میں صبا قمر اور گلوکار بلال سعید کے خلاف بھی ایف آئی آر درج کرنے کے لئے عرضی دی گئی ہے۔ اداکارہ صبا قمر بالی ووڈ فلم ’ ہندی میڈیم‘ میں بھی نظر آئی تھیں۔ صبا قمر کو سوشل میڈیا پر جان سے مارنے کی دھمکی بھی دی جا رہی ہے۔


پنجاب کے اوقاف اور مذہبی معاملوں کے وزیر سعید حسن شاہ نے اتوار کو نامہ نگاروں سے کہا ’’ ہم نے اوقاف محکمہ کے دو افسران کو معطل کر دیا ہے۔ انہیں مبینہ طور پر وزیر خان مسجد میں ویڈیو بنانے کے لئے معطل کیا گیا ہے۔ معاملے کی جانچ شروع کر دی گئی ہے اور قصورواروں کو سزا دی جائے گی‘۔ انہوں نے کہا کہ مسجد کے تقدس کو پامال کرنے کا اختیار کسی کو نہیں ہے۔ سخت تنقید اور سوشل میڈیا پر جان سے مارنے کی دھمکی ملنے کے بعد اداکارہ صبا قمر نے معافی مانگی ہے۔ صبا قمر کو بالی ووڈ فلموں میں کام کرنے کے لئے بھی تعریف مل چکی ہے۔



لاہور میں ہوا احتجاج

سعید کا دعویٰ ہے کہ انہوں نے کوئی ڈانس مسجد کے اندر نہیں کیا تھا۔ اس ویڈیو کے آنے کے بعد پاکستانی سوشل میڈیا میں صبا قمر کی جم کر تنقید ہوئی اور وہ ٹاپ ٹرینڈ ہو گئی تھیں۔ ان کے ڈانس کا ویڈیو بھی وائرل ہو گیا تھا۔ دونوں ہی پاکستان اسٹارز نے اس واقعہ کے لئے معافی مانگی ہے۔ اس ویڈیو کے سامنے آنے کے بعد لاہور میں زبردست احتجاجی مظاہرہ ہوا تھا۔
Published by: Nadeem Ahmad
First published: Aug 10, 2020 11:24 AM IST
corona virus btn
corona virus btn
Loading