پاکستان کو اب مالدیپ سے بھی لگا جھٹکا، کشمیرکو بتایا ہندوستان کا داخلی معاملہ

اقوام متحدہ کی سلامتی کونسل (یواین ایس سی) سے فضیحت جھیلنےکے بعد پاکستان اپنی حرکتوں سےبازنہیں آرہا ہے۔ پاکستان نےکشمیرسےآرٹیکل 370 ہٹانےکےمعاملےکویواین ایچ آرسی ، آئی سی جےاوراقوام متحدہ کی جنرل اسمبلی میں بھی اٹھانے کا اعلان کیا ہے۔ حالانکہ جمعہ کو پاکستان کو مالدیپ کے ہاتھوں بھی فضیحت جھیلنی پڑگئی۔

دراصل پاکستانی وزیرخارجہ شاہ محمود قریشی نےجمعہ کومالدیپ کےوزیرخارجہ عبداللہ شاہد کوفون کرکےکشمیرمسئلےپربات کرنے کی کوشش کی۔ شاہ محمود قریشی نے عبداللہ شاہد کوفون کرکے ہندوستان کے جموں وکشمیرسےآرٹیکل -370 ہٹانےاورپاکستان کے ذریعہ اس کی مخالفت کرنےکی اطلاع دی۔ حالانکہ مالدیپ نےواضح کردیا کہ یہ ہندوستان کا داخلی معاملہ ہےاورہندوستان کی حکومت کےساتھ ان کےاچھے تعلقات ہیں۔

Maldives Foreign Affairs Min in telephonic conversation with his Pakistani counterpart Shah Mahmood Qureshi said both Pakistan&India are close friends&bilateral partners of Maldives. He stressed the importance of resolving differences b/w countries amicably through peaceful means https://t.co/3kcCcw3Dn7

— ANI (@ANI) August 23, 2019

اقوام متحدہ کولکھا ہے خط

واضح رہےکہ پاکستان نے جموں وکشمیرمعاملے میں اقوام متحدہ کو خط لکھ کرہندوستان پر کشمیرمیں حقوق انسانی کی خلاف ورزی کا الزام لگایا ہے۔ یہ خط شاہ محمود قریشی نےلکھا ہےاورکشمیرسےآرٹیکل -370 ہٹانے کی مخالفت کی ہے۔ اقوام متحدہ نے توابھی تک پاکستان کے اس خط پرکوئی جواب نہیں دیا ہے، لیکن مالدیپ کے وزیرخارجہ عبداللہ شاہد نے پاکستان کےسامنے واضح کردیا ہے کہ ہندوستان نے اپنےآئین کے مطابق ہی یہ فیصلہ لیا ہے۔ واضح رہے کہ ہندوستان پہلے ہی بین الاقوامی برادری کےسامنے واضح کرچکا ہے کہ جموں وکشمیرکے خصوصی درجہ کوختم کرنا اس کا داخلی معاملہ ہے۔ اس سے پہلے پاکستان نے 4 اگست کواقوام متحدہ کےانسانی حقوق  کےکمشنرمشیل بیشلےکوخط لکھا تھا۔