12 ملین سے زیادہ چینی گھرانوں کو آکسیجن وینٹی لیٹرز کی پڑ سکتی ہے ضرورت، لیکن....؟

عالمی میڈیا رپورٹس کے مطابق چین میں ان دنوں عالمی وبا کورونا وائرس (Covid-19) کے کیسز بڑھ رہے ہیں، بیجنگ میں حکام کی جانب سے کووڈ۔19 کی وبا سے نمٹنے کے لیے ناکافی انتظامات کی وجہ سے بہت سے شہری وینٹی لیٹرز اور آکسیجن مشینیں خرید رہے ہیں۔ چین میں کووڈ۔19 کے ضمن میں حکومت کی جانب سے زیرو ٹالیرنس پالیسی کے خلاف احتجاج نے دارالحکومت بیجنگ، عالمی اقتصادی مرکز شنگھائی اور دیگر مقامات کو ہلا کر رکھ دیا۔

چینی سنسرشپ کے خلاف بھی مظاہرے ہوئے کیونکہ کووڈ زیرو کی وجہ سے ارومچی میں ایک اپارٹمنٹ میں آگ لگنے سے 10 افراد کے مرنے کی خبر کو بھی سنسر کیا گیا تھا۔ میڈیکل اسٹورز چلانے والے لوگوں نے فنانشل ٹائمز کو بتایا کہ کووڈ-19 کے علاج کے لیے استعمال ہونے والے آلات کی فروخت میں لگاتار اضافہ ہورہا ہے۔ اس کی علامات 11 نومبر سے شروع ہوگئیں ہیں، جو کہ مسلسل بڑھ رہی ہے۔ چونگ کنگ میں قائم ایک مالیاتی فرم ساؤتھ ویسٹ سیکیورٹیز کے اعداد و شمار کا حوالہ دیتے ہوئے خبر رساں ایجنسی نے کہا کہ کم از کم 12 ملین چینی گھرانوں کو وینٹی لیٹرز اور آکسیجن مشینیں خریدنے کی ضرورت پڑسکتی ہے۔

یہ بھی پڑھیں: 

• ملائیکہ اروڑہ ایک آئٹم نمبر کے لیے لیتی ہیں اتنی بڑی رقم، ہر سال بڑھتی جارہی ہے نیٹ ورتھ


• ٹائیگر 3: 32سال بعد اس اداکارہ کے ساتھ اسکرین شیئر کریں گے سوپر اسٹار سلمان خان


• ’میرا دل یہ پکارے آجا۔۔۔‘ کے بعد پاکستانی لڑکی عائشہ کا دوسرا ویڈیو بھی ہوا وائرل


• سیف علی خان کے بیٹے ابراہیم کی ڈیبیو فلم میں نظر آئیں گی کاجول،اگلے سال فلورپرجائے گی فلم

خبر رساں ایجنسی نے وی چیٹ سے ڈیٹا تک رسائی حاصل کی اور وینٹی لیٹرز اور آکسیجن مشینوں اور آکسی میٹرز کی تلاش کو دیکھا جس میں تقریباً 90 گنا اضافہ ہوا۔ اس نے مزید کہا کہ جب بیجنگ نے کچھ پابندیوں میں نرمی کی تو وینٹی لیٹرز کی تلاش معمول سے 80 گنا زیادہ تھی۔

چینی شہریوں نے فنانشل ٹائمز سے بات کرتے ہوئے کہا کہ انہوں نے وینٹی لیٹر خریدنے کے لیے 500 ڈالر سے زیادہ اور آکسیجن مشین کے لیے 100 ڈالر سے زیادہ کی رقم خرچ کی۔ ان کا کہنا تھا کہ اسپتالوں میں مریضوں کی آمد اور بستروں کی کمی نظر آئے گی۔