ہوم » نیوز » عالمی منظر

نیپال کیلئے تاریخی دن ، مکمل طور پر جمہوری اورسیکولر ملک بن گیا

کٹھمنڈو: نیپال میں تقریبا سات سال کی گرما گرم بحث کے بعد عملی شکل اختیار کرنے والے ایک نئے اور مکمل طور پر سیکولر اور جمہوری آئین کو بالآخر منظور کرلیا گیا

  • UNI
  • Last Updated: Sep 20, 2015 07:58 PM IST
  • Share this:
  • author image
    NEWS18-Urdu
نیپال کیلئے تاریخی دن ، مکمل طور پر جمہوری اورسیکولر ملک بن گیا
کٹھمنڈو: نیپال میں تقریبا سات سال کی گرما گرم بحث کے بعد عملی شکل اختیار کرنے والے ایک نئے اور مکمل طور پر سیکولر اور جمہوری آئین کو بالآخر منظور کرلیا گیا

کٹھمنڈو: نیپال میں تقریبا سات سال کی گرما گرم بحث کے بعد عملی شکل اختیار کرنے والے ایک نئے اور مکمل طور پر سیکولر اور جمہوری آئین کو بالآخر منظور کرلیا گیا جس کے ساتھ ملک میں ہندو شہنشاہیت کا خاتمہ ہوگیا اور یہ ہمالیائی مملکت ایک سیکولر اور وفاقی جمہوریہ میں تبدیل ہوگئی۔


ملک کے صدر رام برن یادو نے آج پارلیمنٹ میں نئے آئین کی نقاب کشائی کرتے ہوئے کہا کہ میں ملک کے عوام کے سامنے دستور ساز اسمبلی میں منظور کئے گئے اور اس کے چیئرمین کے ذریعے توثیق شدہ نیپال کے آئین کے آج 20 ستمبر 2015 سے نافذ کئے جانے کا اعلان کرتا ہوں۔


نیا بنیشور میں منعقد ایک خصوصی تقریب میں مسٹر یادو نے کہا کہ وہ اس تاریخی موقع پر لوگوں سے اتحاد اور تعاون کی اپیل کرتے ہیں۔ انہوں نے کہا کہ یہ آئین ہماری آزادی، خودمختاری ، جغرافیائی اتحاد اور عوام کے اقتدار اعلی کے تحفظ کی ایک مشترک دستاویز ہے۔ اس آئین کے نفاذ کے ساتھ ہی عبوری آئین کالعدم ہوگیا۔

First published: Sep 20, 2015 07:58 PM IST
corona virus btn
corona virus btn
Loading