ہوم » نیوز » عالمی منظر

نیتن یاہو کو بدعنوانی کے الزام میں مزید دو کیسوں میں تفتیش کا سامنا کرنا پڑے گا

تل ابیب۔ اسرائیلی وزیر اعظم بنجامن نیتن یاہو کو مزید دو کیسوں میں پولیس تفتیش کا سامنا کرنا پڑے گا۔ اس سے قبل پولیس پہلے ہی وزیر اعظم پر کرپشن اور فراڈ کے الزامات عائد کرنے کی سفارش کرچکی ہے۔

  • UNI
  • Last Updated: Feb 26, 2018 02:33 PM IST
  • Share this:
  • author image
    NEWS18-Urdu
نیتن یاہو کو بدعنوانی کے الزام میں مزید دو کیسوں میں تفتیش کا سامنا کرنا پڑے گا
اسرائیلی وزیر اعظم بنجامن نیتن یاہو کی فائل فوٹو۔ رائٹرز۔

تل ابیب۔ اسرائیلی وزیر اعظم بنجامن نیتن یاہو کو مزید دو کیسوں میں پولیس تفتیش کا سامنا کرنا پڑے گا۔ اس سے قبل پولیس پہلے ہی وزیر اعظم پر کرپشن اور فراڈ کے الزامات عائد کرنے کی سفارش کرچکی ہے ۔ میڈیا رپورٹس کے مطابق اسرائیلی وزیر اعظم پر الزام ہے کہ انہوں نے اپنا امیج بہتر طور پر پیش کرنے کے لیے ایک ٹیلی کمیونی کیشن کمپنی کو بہت سی مراعات دیں، یہ کمپنی موبائل سروس کے علاوہ ٹی وی چینلز بھی چلاتی ہے ۔


اس کے علاوہ نیتن یاہو کو ایک اور کیس میں بطور گواہ تفتیش کا سامنا ہے۔ یہ کیس جرمنی سے تین آبدوزوں کی خریداری میں ہونے والی مبینہ کرپشن سے متعلق ہے ۔ میڈیا کے مطابق پولیس نیتن یاہو سے جمعہ کو پوچھ گچھ کرے گی۔


اس سے قبل اسرائیلی پولیس وزیر اعظم سے کرپشن کے الزامات کے تحت سات بار تفتیش کر چکی ہے اور اپنی رپورٹ میں پولیس نے گزشتہ ہفتہ اٹارنی جنرل سے سفارش کی تھی کہ نیتن یاہو کے خلاف کرپشن اور فراڈ کے الزامات عائد کیے جائیں۔

First published: Feb 26, 2018 02:33 PM IST