உங்கள் மாவட்டத்தைத் தேர்வுசெய்க

    Operation Ganga: آج 19 اڑانوں کے ذریعہ 3726 ہندوستانی لوٹیں گے ملک، اب تک 17000 نے چھوڑا یوکرین

    Operation Ganga: آج 19 اڑانوں کے ذریعہ 3726 ہندوستانی لوٹیں گے ملک، اب تک 17000 نے چھوڑا یوکرین

    Operation Ganga: آج 19 اڑانوں کے ذریعہ 3726 ہندوستانی لوٹیں گے ملک، اب تک 17000 نے چھوڑا یوکرین

    Russia-Ukraine Crisis: شہری ہوابازی کے مرکزی وزیر جیوترادتیہ ایم سندھیا نے جمعرات کو کہا کہ بخاریسٹ، سوسیوا، کوسیسے، بوڈاپیسٹ اور Rzeszow سے 19 پروازوں کے ذریعہ جمعرات کو 3726 ہندوستانیوں کو گھر واپس لایا جائے گا ۔

    • Share this:
      نئی دہلی: شہری ہوابازی کے مرکزی وزیر جیوترادتیہ ایم سندھیا نے جمعرات کو کہا کہ بخاریسٹ، سوسیوا، کوسیسے، بوڈاپیسٹ اور Rzeszow سے 19 پروازوں کے ذریعہ جمعرات کو 3726 ہندوستانیوں کو گھر واپس لایا جائے گا ۔ جیوترادتیہ سندھیا نے ایک ٹویٹ کیا کہ "آپریشن گنگا کے تحت 3726 ہندوستانیوں کو آج بخاریسٹ سے 8 پروازوں، سوسیوا سے 2 پروازوں، کوسیسے سے 1 پرواز، بوڈاپیسٹ سے 5 پروازوں اور Rzeszow سے 3 پروازوں کے ذریعے آج ملک واپس لایا جائے گا ۔"

       

      یہ بھی پڑھئے : یوکرین کے بعد روس کا اگلا نشانہ ہے یہ ملک! بیلا روس کے صدر کے Battle Map نے کھولا راز


      اس درمیان یوکرین سے ریسکیو ہوکر جمعرات کو دہلی ہوائی اڈے پر پہنچے طلبہ نے ہندوستانی حکومت کا شکریہ ادا کیا ۔ ایک ہندوستانی طالب علم نے کہا کہ ہندوستانی سرکار نے یوکرین میں پھنسے ہندوستانی طلبہ کو نکالنے کیلئے فورا کارروائی کی ۔ ہندوستانی ہونے پر فخر ہے ۔ کیف اور خارکیف میں پھنسے ہندوستانی طلبہ کو جلد سے جلد نکالنے کی ضرورت ہے ۔


      جنگ سے متاثرہ یوکرین سے بحفاظت ملک واپسی پر ہندوستانی طلبہ نے اجولا گپتا کا ان کے ماں باپ اور رشتہ داروں نے دہلی ایئرپورٹ پر گرمجوشی سے استقبال کیا۔ اجولا نے اے این آئی کو بتایا کہ میں سرکار سے اپیل کرتی ہوں کہ کیف اور خارکیف میں پھنسے طلبہ کو واپس لایا جائے گا ، کیونکہ وہاں کی صورتحال سینگین ہے ۔ میں یوکرین سے سبھی ہندوستانیوں کو نکالنے کیلئے ہماری سرکار کی کوششوں کی سراہنا کرتی ہیں ۔

       

      یہ بھی پڑھئے : ہندوستان چاہ کر بھی روس کی مخالفت کیوں نہیں کرسکتا؟ 10 پوائنٹس میں جانئے اس کی وجوہات


      وزیر اعظم مودی نے آپریشن گنگا میں ہندوستانی فضائیہ کو بھی شامل کرنے کی ہدایت دی تھی ۔ ہندوستانی فضائیہ اپنے مال بردار اور ٹرانسپورٹ طیاروں سے ریسکیو آپریشن کو انجام دے رہی ہے ۔ خاص طور پر سی 17 گلوب ماسٹر اور آئی ایل 76 طیارہ ایک مرتبہ میں تقریبا 400 مسافروں کے ساتھ طویل مسافت تک اڑان بھرنے کی صلاحیت رکھتا ہے ۔

      خیال رہے کہ ہندوستانی فضائیہ کے سی 17 گلوب ماسٹر طیارہ نے کابل سے شہریوں اور افسران کو نکالنے میں بڑی مدد کی تھی ، جب طالبان نے افغانستان پر قبضہ کرلیا تھا ۔
      Published by:Imtiyaz Saqibe
      First published: