Imran Khan: پاکستانی حکومت نے سابق وزیراعظم عمران خان کی گرفتاری کی کر لی تیاری، لائیو تقریر بلاک

پاکستان کے سابق وزیر اعظم عمران خان (Imran Khan) کے خلاف انسداد دہشت گردی ایکٹ (Anti-Terrorism Act) کے تحت ایف آئی آر درج کر لی گئی ہے۔ عمران خان پر اسلام آباد میں جلسے سے خطاب کے دوران جج اور دو اعلیٰ حکام کو دھمکیاں دینے کا مقدمہ درج کیا گیا۔ اس سے قبل پاکستان کے الیکٹرانک میڈیا پر نظر رکھنے والے ادارے نے سیٹلائٹ ٹیلی ویژن چینلز پر معزول وزیراعظم عمران خان کی لائیو تقریریں نشر کرنے پر پابندی لگا دی تھی، جس کے چند گھنٹے بعد انہوں نے ریاستی اداروں کو دھمکیاں دی تھیں اور ہفتے کی شام دیر گئے F-9 پارک میں منعقدہ ایک عوامی ریلی کے دوران اشتعال انگیز بیانات دیے تھے۔

پاکستان الیکٹرانک میڈیا ریگولیٹری اتھارٹی (Pakistan Electronic Media Regulatory Authority) یا پیمرا نے کہا کہ عمران کی ریکارڈ شدہ تقریر کو مؤثر نگرانی اور ادارتی کنٹرول کو یقینی بنانے کے لیے موثر طریقہ کار کے بعد ہی نشر کرنے کی اجازت ہوگی۔ پیمرا نے اپنے حکم نامہ میں کہا ہے کہ دیکھا گیا ہے کہ پی ٹی آئی کے چیئرمین عمران خان اپنی تقاریر/بیانات میں ریاستی اداروں کو مسلسل بے بنیاد الزامات لگا کر نشانہ بنا رہے ہیں اور ریاستی اداروں اور افسران کے خلاف اپنے اشتعال انگیز بیانات کے ذریعے نفرت انگیز تقاریر پھیلا رہے ہیں۔ یہ امن و امان کی بحالی کے لیے نقصان دہ ہے اور عوامی امن و سکون میں خلل ڈالنے کا امکان ہے۔

عمران خان نے ہفتے کے روز ایک عوامی اجتماع سے خطاب کرتے ہوئے اپنے ساتھی شہباز گل کے ساتھ کیے گئے سلوک پر پولیس کے اعلیٰ حکام، ایک خاتون مجسٹریٹ، الیکشن کمیشن آف پاکستان (Election Commission of Pakistan) اور سیاسی مخالفین کے خلاف مقدمات درج کرنے کی دھمکی دی، جنھیں گزشتہ ہفتے الزامات کے تحت گرفتار کیا گیا تھا۔

پاکستان کے وزیر داخلہ رانا ثناء اللہ نے اتوار کو کہا کہ پاکستان تحریک انصاف (PTI) کے سربراہ کی تقریر فوج اور دیگر اداروں کو نشانہ بنانے کے رجحان کا تسلسل ہے۔

یہ بھی پڑھیں: 

RBI Warns:آر بی آئی نے کیا حکومت کوخبردار-بڑے پیمانے پرسرکاری بینکوں کاپرائیوٹائزیشن ۔۔۔

Android 13:ان اسمارٹ فون کو سب سے پہلے ملے گا اپ ڈیٹ، فہرست میں شامل ہیں یہ فون

Atal Pension Yojana: اٹل پنشن یوجناکیلئے انکم ٹیکس دہندگان نہیں ہوں گے اہل! جانیے تفصیل

National Pension System: اب یو پی آئی کے ذریعے نیشنل پنشن سسٹم کے کھاتوں میں جمع ہوگی رقم

دریں اثنا پاکستان تحریک انصاف (Tehreek-i-Insaf) نے دعویٰ کیا کہ پاکستان میں متعدد انٹرنیٹ فراہم کنندگان پر یوٹیوب کو بند کردیا گیا ہے۔