پاکستان کے وزیر اعظم عمران خان: فائل فوٹو۔
جموں وکشمیر میں آرٹیکل 370 ہٹائے جانے کے بعد سے ہندوستان اور پاکستان کے درمیان کشیدگی کی صورت حال برقرار ہے۔ کشمیر معاملہ پر نیوکلیائی حملہ کی گیدڑ بھبکی کے ایک دن کے بعد اب پاکستان کے وزیر اعظم عمران خان نے عالمی برادری کو ہندوستان کے نیوکلیائی ہتھیاروں کا خوف دکھایا ہے۔
عمران خان نے ٹویٹ کرتے ہوئے کہا کہ ہندوستان اور پاکستان کے درمیان جس طرح سے کشیدگی بنی ہوئی ہے اس کے بعد ہندوستان کے نیوکلیائی ہتھیاروں پر دنیا کو سنجیدگی سے غور کرنا چاہئے۔ یہ ایک ایسا مسئلہ ہے جو نہ صرف کسی خاص خطہ کے لئے خطرہ ہے بلکہ دنیا کو بھی متاثر کرتا ہے۔
Loading...
عمران خان کا یہ ٹویٹ اس بیان کے بعد آیا ہے جب انہوں نے ہندوستان کے ذریعہ کسی بھی چیلنج کا سامنا کرنے کے لئے فوج سے پوری طرح سے تیار رہنے کو کہا تھا۔