عمران خان کی ایک اور مبینہ آڈیو لیک، امریکی ممبر پارلیمنٹ کو فون کرکے کی یہ بڑی اپیل

اسلام آباد: کبھی امریکہ پر ان کی سرکار کو گرانے کا الزام لگانے والے عمران خان اب اسی سے مدد مانگتے ہوئے نظر آرہے ہیں ۔ عمران خان کی ایک مبینہ لیک آڈیو میں دعوی کیا گیا ہے کہ پی ٹی آئی چیف ایک امریکی ممبر پارلیمنٹ سے ان کی مدد کئے جانے کی بات کررہے ہیں ۔ اس  مبینہ آڈیو میں عمران امریکی ممبر پارلیمنٹ میکسین مور واٹرز سے بات کرتے نظر آرہے ہیں ۔ پاکستانی فوج اور سرکار کے نشانے پر آئے عمران خان امریکہ سے ان کیلئے کھڑا ہونے کی اپیل کررہے ہیں ۔

اس دوران سابق وزیراعظم کو امریکی مدد کی فریاد کرتے سنا جاسکتا ہے ۔ وہ بار بار کہہ رہے ہیں کہ امریکہ کو ان کی مدد کرنی چاہئے ۔ اس مبینہ آڈیو کو زوم میٹنگ کا بتایا جارہا ہے ۔ مبینہ آڈیو میں عمران کو کہتے ہوئے سنا جاسکتا ہے کہ اس وقت ملک کے حالات بہت خراب ہیں ۔ اس وقت پاکستان اپنی تاریخ کے سب سے نازک دور سے گزر رہا ہے ۔

Breaking News :

Leak audio of Imran Khan with American congresswomen Maxian Moore Water pic.twitter.com/4CFSUsnHij

— Malik Ali Raza (@MalikAliiRaza) May 20, 2023

سابق فوجی سربراہ جنرل قمر جاوید باجوہ نے انہیں مارنے کی کوشش کی ۔ انہیں یہ کہتے ہوئے سنا جاسکتا ہے کہ ان کی سرکار کو سازش کے تحت گرایا گیا ۔ عمران کا کہنا ہے کہ امریکہ کو ہمارے لئے آواز اٹھانی چاہئے ۔ پاکستان میں انسانی حقوق اور جمہوری اقدار کو لے کر امریکہ کو آواز اٹھانی چاہئے ۔

یہ بھی پڑھئے: سعودی عرب: مکہ مکرمہ میں ہوٹل میں آتشزدگی، پاکستان کے 8 عمرہ زائرین کی موت، چھ دیگر زخمی

یہ بھی پڑھئے: عمران خان کے گھر پہنچے لاہور پولیس کے 400 جوان، دہشت گردوں کو پکڑنے کے لیے لیں گے تلاشی

عمران نے بتایا کہ کیسے فوج نے ان کی سرکار کو گرایا تھا ۔ عمران نے امریکی ممبر پارلیمنٹ سے یہ بھی کہا کہ ان کی جان کو خطرہ ہے ۔ انہوں نے بتایا کہ یہاں پاکستان کی خفیہ ایجنسی آئی ایس آئی اور فوج کافی طاقت ور ہے ۔ جنرل باوجوہ نے ان کی سرکار گرائی ۔