پاکستان میں ہندو ڈاکٹر کا گولی مار کر قتل، ایک ماہ میں دوسری ٹارگٹ کلنگ

اسلام آباد: پاکستان میں ہندوؤں کی ٹارگٹ کلنگ (Targeted Killing of Hindus) رکنے کا نام نہیں لے رہی ہے۔ کراچی میونسپل کارپوریشن کے ریٹائرڈ ڈائریکٹر اور ماہر امراض چشم 62 سالہ ڈاکٹر بیربل جینانی (Dr Birbal Jenani Murder) کو آج لیاری ایکسپریس وے کے قریب گولی مار کر قتل کر دیا گیا۔ مقامی میڈیا کے مطابق ان کی اسسٹنٹ 35 سالہ ڈاکٹر قرت العین زخمی ہوگئیں۔ دونوں ایک کار میں سفر کر رہے تھے۔ حملے کی سی سی ٹی وی فوٹیج کی بنیاد پر شبہ ہے کہ یہ ٹارگٹ کلنگ کا معاملہ ہے۔

Weather Update: دہلی-این سی آر میں شدید بارش، 17 فلائٹ کا رخ موڑا گیا، پانی بھر جانے کی وجہ سے کئی مقامات پر ٹریفک جام، اورنج الرٹ جاری

جاسوسی کے شک میں ’وال اسٹریٹ جرنل‘ کا صحافی گرفتار، بلنکن نے کہا-امریکی شہری کو فوری چھوڑے روس

پاکستان میں رواں ماہ ہندو ڈاکٹر (Hindu Doctor) پر حملے کا یہ دوسرا واقعہ ہے۔ اس ماہ کے شروع میں پاکستان کے شہر حیدرآباد کے ایک ڈاکٹر دھرم دیو راٹھی کو مبینہ طور پر ان کے ڈرائیور نے ان کے گھر کے اندر قتل کر دیا تھا۔ پولیس نے پاکستانی خبر رساں ادارے دی نیشن کو بتایا کہ ڈرائیور نے ڈاکٹر کا گلا چاقو سے کاٹ دیا تھا۔ پولیس نے ڈرائیور کو خیرپور میں اس کے گھر سے گرفتار کرکے اس کی شناخت حنیف لیاری کے نام سے کی تھی۔ ڈاکٹر کے باورچی نے پولیس کو بتایا کہ گھر جاتے ہوئے دونوں کے درمیان جھگڑا ہوا۔ گھر پہنچنے کے بعد ڈرائیور نے مبینہ طور پر کچن سے چاقو نکال کر ڈاکٹر کو اپنے ہی گھر میں قتل کر دیا۔

وہیں اس کے ساتھ ساتھ سندھ میں ہندو لڑکی کے جبری اغوا کا معاملہ بھی تشویشناک ہے۔ سندھ (Hindu girl kidapped in Sindh) میں مندر جاتے ہوئے اغوا ہونے والی ہندو لڑکی کا 10 روز بعد بھی سراغ نہ مل سکا۔ جس کے بعد ہندو سماج کے لوگ رام نومی (Ram Navami) کے دن سڑک پر آنے پر مجبور ہوگئے۔ تفصیلات کے مطابق شیلا میگھوار کو 19 مارچ کو سندھ کے ضلع گھوٹکی کے علاقے میرپور متھیلو کے پرانے بازار سے مندر جاتے ہوئے اغوا کر لیا گیا تھا۔