اس شخص کی وجہ سے بچے عمران خان، حملہ آور کا نشانہ ایسے کیا ناکام، جانئے اس کی زبانی

اسلام آباد : پاکستان کے سابق وزیر اعظم عمران خان ان دنوں پورے پاکستان میں آزادی مارچ کررہے ہیں ۔ اسی سلسلہ میں جمعرات کو عمران خان پنجاب صوبہ کے وزیرآباد علاقہ کے اللہ والا چوک کے پاس ریلی کررہے تھے ۔ پاکستانی میڈیا رپورٹ کے مطابق بندوق لے کر آئے شخص نے عمران خان پر گولی چلادی ۔ اس دوران عمران خان کے پاس موجود ابتسام نے حملہ آور کو بھاگتے ہوئے پکڑ لیا ۔ عمران خان نے بھی نوجوان کا شکریہ ادا کیا ہے ۔

نوجوان نے بتایا کہ وہ عمران خان کے پاس ہی موجود تھا ، تبھی حملہ آور نے اپنی بندوق لوڈ کرکے فائر کردی ۔ حالانکہ تبھی نوجوان نے دلیری کا مظاہرہ کرتے ہوئے حملہ آور کا ہاتھ پکڑ لیا ، جس سے حملہ آور کا نشانہ چوک گیا ۔ وہیں جب حملہ آور نے بھاگنے کی کوشش کی تو ابتسار نے پکڑ لیا ۔

Statement of Pakistani Hero "𝗜𝗯𝘁𝗮𝘀𝗮𝗺* who caught the shooter during an assassination attempt on PTI Chairman Imran Khan.

"The Real Hero of the Pakistani Nation"#Wazirabad #Firing #ImranKhan #FaisalVawda #Bloodshed #Gujranwala #SAvPAK #Cheating pic.twitter.com/0weCFoXZwy

— Hassan Qureshi (@Im_Qureshi786) November 3, 2022

اے آر وائی نیوز کی رپورٹ کے مطابق پاکستان تحریک انصاف کے لانگ مارچ میں حملے کو ناکام بنانے والے ابتسام نے کہا کہ جیسے ہی اس نے حملہ آور کو اپنی بندوق لوڈ کرتے ہوئے دیکھا اور کنٹینر پر اشارہ کیا ، وہ حملہ آور کو روکنے کیلئے دوڑا ۔

یہ بھی پڑھئے: 'میں عمران خان کو مارنے ہی آیا تھا، کیونکہ وہ لوگوں کو...' جانئے حملہ آور نے کیا کہا

یہ بھی پڑھئے: پاکستان : عمران خان کے قریبی کا بڑا انکشاف، کہا : ریلی میں AK 47 لے کر آیا تھا حملہ آور

جانکاری کے مطابق پی ٹی آئی لانگ مارچ پر پر حملے کو ناکام بنانے والے ابتسام نام کے شخص نے بتایا کہ حملہ آور نے بندوق لوڈ کرنے کے بعد اپنے دونوں ہاتھوں کو ہوا میں اوپر کردیا ۔ اس کا ہاتھ پکڑنے کے بعد اس کا نشانہ غلط ہوگیا ۔

بتادیں کہ اس واقعہ میں سابق وزیر اعظم اور پاکستان تحریک انصاف کے چیئرمین عمران خان اور پی ٹی آئی کے کئی دیگر لیڈران زخمی ہوگئے ہیں ۔ جانکاری کے مطابق اس واقعہ میں چھ افراد زخمی ہوگئے ہیں اور ایک موت ہوگئی ہے ۔