'مجھے اغوا کرکے ڈنڈے مارے گئے، دہشت گردوں جیسا سلوک ہوا.....'، عدالت میں عمران خان نے سنائی کسٹڈی کی کہانی

اسلام آباد: پاکستان میں پہلی مرتبہ سپریم کورٹ کے سامنے فوج اور سرکار کی ہار ہوئی ہے ۔ پاکستان کی سپریم کورٹ نے عمران خان کی گرفتاری کو غیر قانونی قرار دیتے ہوئے فورا رہا کرنے کا حکم دیا ہے ۔ اس کے ساتھ ہی سپریم کورٹ نے کہا کہ سابق وزیراعظم کے ساتھ انصاف نہیں ہوا ہے ۔ سماعت کے دوران عمران خان کا درد بھی عدالت کے سامنے چھلک پڑا ۔ جیو نیوز کی ایک خبر کے مطابق عمران خان نے بتایا کہ انہیں اغوا کرکے ڈنڈے مارے گئے اور ان کے ساتھ دہشت گردوں جیسا برتاو کیا گیا ۔ عمران نے بتایا کہ انہیں کورٹ سے پاکستانی رینجرس اس طرح گھسیٹ کر لے گئے، جیسے وہ کوئی بڑے دہشت گرد ہوں ۔

رہائی کا حکم دینے کے بعد سپریم کورٹ نے عمران خان سے کہا کہ وہ ملک میں ہورہے فسادات، پرتشدد جھڑپ اور آگ زنی کی واقعات کی مذمت کریں ۔ اس کے بعد سابق وزیراعظم نے پورے پاکستان میں ہورہے پرتشدد احتجاج کے لئے سپریم کورٹ سے معافی مانگی ۔ ساتھ ہی اس سلسلہ میں کچھ بھی نہ پتہ ہونے کی بات کہی ۔ عمران خان نے اپیل کرتے ہوئے کہا کہ اپنے حامیوں سے کہا کہ میرا پیغام ہے کہ امن کو ہاتھ میں نہ لیں ۔ سرکاری اور ذاتی املاک کو نقصان نہ پہنچائیں ۔

سپریم کورٹ نے اپنے حکم میں کہا کہ اسلام آباد ہائی کورٹ میں کل سماعت تک عمران خان کو پولیس لائنز کے گیسٹ ہاوس میں رکھا جائے گا ۔ صرف 10 لوگوں کو ان سے ملنے کی اجازت ہوگی ۔

یہ بھی پڑھئے: '24 گھنٹے تک باتھ روم تک نہیں جانے دیا، میرا قتل ہوسکتا ہے....'، کورٹ میں عمران خان نے کہا

یہ بھی پڑھئے: کیا ہے القادر ٹرسٹ کیس، جس میں گرفتار ہوئے عمران خان؟ پاکستان میں لگی ہے آگ

سپریم کورٹ کے حکم پر عمران خان کو عدالت میں پیش کیا گیا تھا ۔ عمران خان کو 15 گاڑیوں پر مشتمل سکیورٹی قافلے میں سپریم کورٹ لایا گیا تھا۔ عمران خان کو کمرہ عدالت میں پہنچانے کے بعدکمرہ عدالت کو بند کردیا گیا تھا۔