پاکستان : شاہد آفریدی کا پھر متنازع بیان، کہا: پاکستانی فوج کا ساتھ دیں نہیں تو کشمیر .....

اسلام آباد: پاکستان کے سابق کرکٹر شاہد آفریدی نے ایک مرتبہ پھر کشمیر کے معاملہ پر متنازع بیان دیا ہے ۔ سابق کرکٹر نے کشمیر کا موازنہ فلسطین سے کردیا ۔ انہوں نے کہا کہ دیکھ لو اسرائیل نے فلسطین کا کیا حال کردیا ہے ۔ پاکستانی فوج کی جم کر تعریف کرتے ہوئے ان کا ساتھ دینے کی اپیل کی ۔

شاہد آفریدی نے سما ٹی وی سے کہا: مجھے آج تک سمجھ نہیں آیا کہ سیاستدانوں کا جو رول ہے، وہ ملک کی ترقی کرنا ہے ، ہمارا ملک کیوں سسٹینیبل نہیں بن سکتا؟ اس ملک کے حالات کو دیکھتے ہوئے میرے بچے سوال کرتے ہیں کہ پاپا یہ کیا ہورہا ہے ملک میں؟

’’پاک فوج کی قربانیوں کو ضائع نہیں ہونے دینا چاہیے‘‘ شاہد آفریدی#SamaaTV #ShahidAfridi #PakArmy pic.twitter.com/g3LMVHXUiV

— SAMAA TV (@SAMAATV) May 17, 2023

آفریدی نے کہا کہ ہم کب تک آپس میں لڑتے رہیں گے ، ہم خود اس ملک کے دشمن ہیں، پاکستانی فوج کی اس ملک کیلئے بڑی قربانی ہے، یہ بات سیاستدان کیوں نہیں مانتے ، اگر پاکستان کی فوج نہ ہوتی تو آزادی کیا ہوتی ہے یہ فلسطینیوں سے پوچھئے، کشمیریوں سے پوچھئے، ہمیں فوج کے ساتھ کھڑا ہونا ہے۔

یہ بھی پڑھئے: عمران خان نے رہائی کے بعد اپنی تقریر میں فوجی سربراہ کو دی گالی؟ جانئے وائرل ویڈیو کی سچائی

یہ بھی پڑھئے: 'عمران خان کو سرعام دی جائے پھانسی'، پاکستان کی پارلیمنٹ میں کیا گیا مطالبہ ، چیف جسٹس پر بھی کارروائی کی تیاری

سابق کرکٹر نے پچھلے سال بھی کشمیر کو لے کر متنازع ٹویٹ کیا تھا ۔ آئے دن وہ ہندوستان کے خلاف متنازع بیانات دیتے رہتے ہیں اور اپنی فوج کی حمایت میں بیان دیتے ہیں ۔

ایسا پہلی مرتبہ نہیں ہے کہ آفری نے ہندوستان کے خلاف بولا ہے۔ کئی مواقع پر وہ کشمیر کے معاملہ پر ہندوستان کے خلاف ٹویٹر پوسٹ اور ویڈیوز کے ذریعہ بے تکا بیانات دے چکے ہیں ۔