عمران خان کی ریلی میں دل دہلا دینے والا حادثہ، کنٹینر سے کچل کر خاتون صحافی کی موت

اسلام آباد : سابق وزیر اعظم عمران خان کے 'حقیقی آزادی مارچ' کے دوران ان کے کنٹینر کے نیچے کچل کر ایک پاکستانی خاتون صحافی کی موت ہوگئی ۔ اس کے بعد مارچ کو ایک دن کیلئے روکنا پڑا ۔ مرنے والی صحافی کی شناخت چینل 5 کی رپورٹر صدف نعیم کے طور پر ہوئی ہے ۔ اس کو لے کر عمران خان نے کہا کہ ایک حادثہ کی وجہ سے ہم آج کا مارچ ختم کررہے ہیں ۔ ہم نے یہیں رکنے کا فیصلہ کیا ہے ۔

عمران خان نے خاتون صحافی کے اہل خانہ سے تعزیت کا اظہار کیا ہے اور کہا کہ وہ ان کی روح کی تسکین کیلئے دعا کریں گے ۔ 'حقیقی آزادی مارچ' چوتھے دن پیر کو اب کاموکے سے شروع ہوگا ۔ اس سے پہلے تیسرے دن کی ختم ہونے پر گجرانوالا پہنچنا تھا ۔ جیو نیوز کی خبر کے مطابق عمران خان جس کنٹینر میں سفر کررہے تھے، صدف اسی سے کچلی گئی ہیں ۔ حالانکہ کی اس تصدیق نہیں ہوئی ہے ۔

دنیا ٹی وی کی خبر کے مطابق صدر اپنے ٹی وی چینل کیلئے خان کا انٹرویو کرنے کی کوشش کررہی تھیں ۔ وہیں صحافی کی موت پر وزیر اعظم شہباز شریف نے گہرے رنج و غم کا اظہار کیا ہے ۔ انہوں نے ٹویٹ کیا کہ صدف نعیم کافی زندہ اور محنتی رپورٹر تھیں ۔

یہ بھی پڑھئے: مہسا امینی کی موت کی خبرکومنظرعام پرلانے والی ایرانی صحافیوں کوسی آئی اےایجنٹ قراردیا گیا!

یہ بھی پڑھئے: جنوبی کوریا میں کیوں مچی بھگدڑ ؟ ہجوم کس طرح بنتا ہے جان لیوا؟ کیاہوتی ہے’ہجوم کی نفسیات‘؟

وہیں مریم اورنگ زیب نے بھی صدف کی موت پر تعزیت کا اظہار کیا ہے ۔ انہوں نے سوال اٹھایا ہے کہ آخر خان کے کنٹینر سے کچل کر صحافی کی موت کیسے ہوئی ہے ۔ انہوں نے کہا کہ میں ذاتی طور پر اس (صدف) کو جانتی تھی ۔ وہ محنتی صحافی تھیں اور خان کا انٹرویو کرنے کی کوشش میں ان کی موت ہونا، صدمہ لگنے والی بات ہے ۔