ہوم » نیوز » عالمی منظر

عمران خان کو بڑا جھٹکا ، فروری 2021 تک گرے لسٹ میں ہی رے گا پاکستان

عمران خان کی حکومت ایف اے ٹی ایف کے 27 پوائنٹس میں سے چھ پر عمل درآمد کرنے میں ناکام رہی ہے ۔ جون 2018 میں ایف اے ٹی ایف نے پاکستان کو گرے لسٹ میں ڈالا تھا ۔

  • Share this:
عمران خان کو بڑا جھٹکا ، فروری 2021 تک گرے لسٹ میں ہی رے گا پاکستان
عمران خان کو بڑا جھٹکا ، ابھی گرے لسٹ میں ہی رے گا پاکستان : ذرائع۔ فائل فوٹو

پاکستان کو ایف اے ٹی ایف سے بڑا جھٹکا لگا ہے ۔ پاکستان ابھی گرے لسٹ میں ہی رہے گا ۔ دراصل عمران خان کی حکومت ایف اے ٹی ایف کے 27 پوائنٹس میں سے چھ پر عمل درآمد کرنے میں ناکام رہی ہے ۔ جون 2018 میں ایف اے ٹی ایف نے پاکستان کو گرے لسٹ میں ڈالا تھا ۔ اس وقت پاکستان کو 27 نکات پر مشتمل ایکشن پلان کو 2019 کے آخر تک لاگو کرنے کا حکم دیا گیا تھا ۔ حالانکہ کورونا وائرس کو دیکھتے ہوئے اس کی مدت بڑھا دی گئی تھی ۔


ایسا بتایا جارہا ہے کہ جن نکات پر عمل درآمد کرنے میں پاکستان ناکام رہا ہے ، ان میں جیش محمد چیف مسعود اظہر اور لشکر طیبہ سے وابستہ لکھوی جیسے اقوام متحدہ سے نامزد دہشت گردوں کے خلاف کارروائی شامل ہے ۔


دنیا کے چار ممالک نہیں ہیں پاکستان کی کارروائی سے مطمئن


دنیا کے چار بڑے ممالک امریکہ ، برطانیہ ، فرانس اور جرمنی بھی اسلام آباد کی اپنی سرزمین پر سرگرم دہشت گرد تنظیموں کے خلاف کارروائی کرنے کے عزم سے مطمئن نہیں تھے ۔ پاکستان کو گرے لسٹ میں برقرار رکھنے کی یہ بھی ایک وجہ ہوسکتی ہے ۔

ادھر ہندوستان نے جمعرات کو کہا تھا کہ پاکستان کے ذریعہ کے ذریعہ دہشت گرد تنظیموں اور مسعود اظہر و ذکی الرحمان لکھوی جیسے دشہت گردوں کو محفوظ ماحول فراہم کرایا جانا جاری ہے ۔ وزارت خارجہ کے ترجمان نے ایک پریس کانفرنس میں کہا کہ پاکستان نے دہشت گردوں کو مالی مدد کو روکنے کیلئے فائنانشیل ٹاسک فورس ( ایف اے ٹی ایف ) کے ذریعہ دئے گئے 27 نکات میں سے صرف 21 پر ہی کام کیا ہے ۔
Published by: Imtiyaz Saqibe
First published: Oct 23, 2020 08:33 PM IST