عمران خان کے قریبی شاہ محمود قریشی کو کیوں کیا گیا گرفتار؟ پاکستان پولیس نے بتائی اصل وجہ

اسلام آباد/لاہور: پاکستان کے سابق وزیر اعظم عمران خان کے قریبی ساتھی سابق وزیر خارجہ شاہ محمود قریشی کو تشدد بھڑکانے اور امن کو خراب کرنے کے الزام میں گرفتار کر لیا گیا ہے۔ پڑوسی ملک میں جاری سیاسی اتھل پتھل کی وجہ سے کم از کم آٹھ افراد ہلاک ہو چکے ہیں۔ پاکستان تحریک انصاف (پی ٹی آئی) کا دعویٰ ہے کہ 66 سالہ شاہ محمود قریشی کو اسلام آباد پولیس نے جمعرات کی صبح گرفتار کیا اور نامعلوم مقام پر رکھا۔

وہیں پولیس کا کہنا ہے کہ اب تک پی ٹی آئی رہنما شاہ محمود قریشی، اسد عمر، فواد چوہدری، جمشید اقبال چیمہ، فلک ناز چترالی، مسرت جمشید چیمہ اور ملکہ بخاری کو حراست میں لے لیا گیا ہے۔ بتایا جا رہا ہے کہ مزید گرفتاریاں بھی ہو سکتی ہیں۔

اس سے قبل پی ٹی آئی کے ایک اور اہم لیڈر فواد چودھری کو سپریم کورٹ کی عمارت سے نکلتے ہوئے پولیس نے گرفتار کر لیا تھا، جہاں انہوں نے خود کو گرفتار ہونے سے بچانے کے لیے 12 گھنٹے تک پناہ لی تھی۔

یہ بھی پڑھئے: 'مجھے اغوا کرکے ڈنڈے مارے گئے، دہشت گردوں جیسا سلوک ہوا.....'، عدالت میں عمران خان نے کہا

یہ بھی پڑھئے: پاکستان : عمران خان کو بڑی راحت، SC نے گرفتاری کو غیر قانونی قرار دیا، فوری رہائی کا حکم

بتادیں کہ کرپشن کے الزام میں عمران خان کی گرفتاری کے خلاف ان کے حامیوں نے آرمی ہیڈ کوارٹر پر بھی دھاوا بول دیا تھا ۔ اس کے ساتھ ہی کئی مقامات پر آتش زنی کے واقعات بھی سامنے آئے تھے، جس کے بعد فوج کے میڈیا ونگ (انٹر سروس پبلک ریلیشنز) نے کہا کہ قانون کو کسی کو ہاتھ میں لینے کی اجازت نہیں دی جائے گی ۔