உங்கள் மாவட்டத்தைத் தேர்வுசெய்க

    Hajj 2022: آب زم زم کی تقسیم کیلئےجدید ترین ٹکنالوجی کااستعمال، ایک دن میں 2 لاکھ سےزائدبوتلیں تیار

    زم زم کی تقسیم کے لیے 24 گھنٹے کام جاری ہے۔ تصویر: Haramain

    زم زم کی تقسیم کے لیے 24 گھنٹے کام جاری ہے۔ تصویر: Haramain

    یہ منصوبہ حجاج کرام کی خدمت اور انہیں زمزم کے بابرکت پانی کی محفوظ اور صحت مند انداز میں فراہمی کرنے کے لیے 24 گھنٹوں جاری ہے، جس کے لیے سیکڑوں اہلکار تعین کیے گئے ہیں۔

    • Share this:
      مکہ مکرمہ میں زمزم کے پانی کی وافر مقدار میں فراہمی کے لیے کنگ عبداللہ پروجیکٹ کی جنرل ایڈمنسٹریشن نے جنگی پیمانے پر کام شروع کردیا ہے۔ جس کی وجہ سے اس منصوبے کے تحت زیادہ سے زیادہ پیداواری صلاحیت میں اضافہ ہوا ہے۔ حجاج کرام کے لیے ایک دن میں 200,000 سے زائد بوتلیں تیار کی جارہی ہیں۔

      یہ منصوبہ حجاج کرام کی خدمت اور انہیں زمزم کے بابرکت پانی کی محفوظ اور صحت مند انداز میں فراہمی کرنے کے لیے 24 گھنٹوں جاری ہے، جس کے لیے سیکڑوں اہلکار تعین کیے گئے ہیں۔ کنگ عبداللہ پروجیکٹ کے جنرل ڈپارٹمنٹ کے ڈائریکٹر ڈاکٹر عبدالرحمن الخطابی نے کہا کہ یہ خدمات اور کوششیں مملکت سعودی عرب کی قیادت کی خواہشات کے مطابق ہیں تاکہ حجاج کو بہترین اور شاندار خدمات فراہم کی جائیں

      مکہ مکرمہ کے کُدی (Kuddi) علاقے میں زمزم کے پانی کے لیے کنگ عبداللہ بن عبدالعزیز پروجیکٹ پر 700 ملین ریال سے زیادہ لاگت آئی ہے۔ اس کا قیام مقدس مقامات پر خدمات کے ایک حصے کے طور پر حاجیوں کو آب زم زم فراہم کرنے کے مقصد سے کیا گیا تھا۔

      یہ منصوبہ مرحوم شاہ عبدالعزیز بن عبدالرحمٰن کی طرف سے شروع کیے گئے اسی طرح کے منصوبے کی معیاری ترقی ہے۔ اس منصوبے کا مقصد زمزم کے پانی کی پاکیزگی اور رسائی کو یقینی بنانا ہے۔ اس کی حفاظت کو یقینی بنانے اور رہائشیوں اور زائرین کے لیے آسان رسائی کی جائے گی۔ مذکورہ پروجیکٹ کے تحت پانی کی نکاسی اور تقسیم کے لیے جدید ٹکنالوجی کا بھی استعمال کیا گیا ہے۔


      مسجد الحرام میں 4,000 سے زیادہ کارکنان کی خدمات:

      حج کا خرچہ کم از کم 5,000 ڈالر فی شخص ہے۔ عالمی سطح پر کورونا وبا کے نافذ ہونے سے پہلے سرکاری اعداد و شمار سے پتہ چلتا ہے کہ مملکت سعودی عرو نے 2.6 ملین عازمین حج سے سالانہ تقریباً 12 بلین ڈالر کمائے جو حج کے لیے مکہ اور مدینہ جاتے تھے اور عمرہ کے لیے تقریباً 19 ملین زائرین شامل ہیں۔ عمرہ حج کی دوسری شکل ہے جو سال کے کسی بھی وقت کیا جاسکتا ہے۔

      یہ بھی پڑھئے: سفر حج پر 300 عازمین نے کیا ایسا کام، ہوگئے گرفتار، دو لاکھ کا لگا جرمانہ

      سعودی عرب اب خواتین کو مرد رشتہ داروں کے بغیر حج میں شرکت کی اجازت دیتا ہے، یہ شرط گزشتہ سال ختم کر دی گئی تھی۔

      مزید پڑھیں: Pakistan News: پاکستان کے وزیردفاع کا بڑا بیان، عمران خان نے امریکہ سے مانگی معافی، ہمارے پاس اس کے پختہ ثبوت

      سعودی عرب میں زیادہ تر بند جگہوں پر اب ماسک لازمی نہیں ہیں لیکن یہ اسلام کے مقدس ترین مقام مسجد الحرام میں لازمی ہوگا۔
      Published by:Mohammad Rahman Pasha
      First published: