غیرقانونی طریقہ سے اسقاط حمل کرانے والی خواتین کو سزا دینی چاہیے

واشنگٹن۔  امریکی عہدہ صدارت کے امیدواروں میں ریپبلکن پارٹی کی جانب سے آگے چل رہے ڈونالڈ ٹرمپ نے ایک مرتبہ پھر متنازعہ بیان دیتے ہوئے کہا ہے کہ غیر قانونی طریقہ سے اسقاط حمل کرانے والی خواتین کو سزا دی جانی چاہیے۔ ٹرمپ نے ایس ایم این بی سی کے ساتھ ایک انٹرویو میں کہا ’’غیر قانونی طریقہ سے اسقاط حمل کرانے والی خواتین کو سزا دینے کا قانون ہونا چاہیے‘‘۔

انٹرویو لینے والے نے جب یہ پوچھا کہ کس طرح کی سزا ہونی چاہیے تو ٹرمپ نے کہا میں نے ابھی اس بابت غور نہیں کیا ہے لیکن کسی نہ کسی طرح کی سزا ضرور ملنی چاہیے ‘‘۔
حالانکہ انہوں نے یہ بھی کہا کہ خواتین اسقاط کراسکتی ہیں لیکن صرف منظور شدہ اداروں میں۔