உங்கள் மாவட்டத்தைத் தேர்வுசெய்க

    Ramadan 2022: سعودی عرب میں رمضان المبارک کا چاند نظر آگیا، سنیچر کو پہلا روزہ، تراویح آج سے

    Ramadan 2022: سعودی عرب میں رمضان المبارک کا چاند نظر آگیا، سنیچر کو پہلا روزہ، تراویح آج سے

    Ramadan 2022: سعودی عرب میں رمضان المبارک کا چاند نظر آگیا، سنیچر کو پہلا روزہ، تراویح آج سے

    Ramadan 2022 Moon Sighting: سعودی عرب میں رمضان المبارک کا چاند نظر آگیا ہے اور وہاں پہلا روزہ کل یعنی 2 اپریل کو ہوگا۔ آج شب سے ہی سعودی عرب میں نماز تراویح کی ادائیگی کا سلسلہ شروع ہوجائے گا ۔

    • Share this:
      Ramadan 2022 Moon Sighting: سعودی عرب میں رمضان المبارک کا چاند نظر آگیا ہے اور وہاں پہلا روزہ کل یعنی 2 اپریل کو ہوگا۔ آج شب سے ہی سعودی عرب میں نماز تراویح کی ادائیگی کا سلسلہ شروع ہوجائے گا ۔ سعودی میڈیا کے مطابق سعودی عرب کےعلاقہ حوطہ سدیر میں رمضان کا چاند نظر آیا ہے ۔ نیز سعودی شہر تمیر میں بھی چاند نظر آنے کی شہادت ملی ہے۔

       

      یہ بھی پڑھئے : اپنے دوستوں اور رشتہ داروں کو ان پیار بھرے میسیجز سے دیں رمضان کی مبارکباد


      تاہم میڈیا رپوٹس کے مطابق ملیشیا اور انڈونیشیا میں رمضان کا چاند نظر نہیں آیا ہے اور ان ممالک میں پہلا روزہ 3 اپریل کو ہوگا۔ علاوہ ازیں عرب میڈیا کے مطابق برونائی میں بھی چاند نظر نہیں آیا اور وہاں بھی 3 اپریل بروز اتوار کو یکم رمضان ہوگا ۔


      ادھر ہندوستان میں کل رمضان المبارک کا چاند دیکھنے کا اہتمام کیا جائے گا اور اس سلسلہ میں ملک کی مختلف رویت ہلال کمیٹیوں نے لوگوں سے ماہ مقدس کے چاند کو دیکھنے کی اپیل کی ہے ۔

       

      یہ بھی پڑھئے : روزہ کے دوران ہو سر میں درد تو ان طریقوں سے پائیں آرام


      خیال رہے کہ اسلامی کیلنڈر کا نواں مہینہ رمضان المبارک کا ہوتا ہے۔ رمضان المبارک کے دوران پوری دنیا میں مسلمانوں کی طرف سے روزے، نمازوں اور ذکر و اذکار کا اہتمام کیا جاتا ہے۔ رمضان کے مہینے میں روزہ رکھنا اسلام کے پانچ ارکان میں سے ایک ہے۔ لوگ اللہ کو راضی کرنے کے لیے دن بھر صوم (روزے) کا اہتمام کرتے ہیں، نمازیں پڑھتے ہیں اور قرآن پاک پڑھتے ہیں۔

      قرآن اس مہینے کے دوران نازل کیا گیا۔ رمضان المبارک کے دوران حضرت جبریل علیہ السلام کی طرف سے پیغمبر انسانیت حضرت محمد ﷺ پر بتدریج وحی نازل ہوتی رہی۔ رمضان کی تاریخ اور وقت مختلف ممالک کے لحاظ سے مختلف ہوتے ہیں۔ مزید یہ کہ رمضان المبارک میں دنیا بھر میں الگ الگ روایات کا اہتمام کیا جاتا ہے۔ ان میں سے کچھ رمضان کے طریقوں کو نسل در نسل زندہ رکھا گیا ہے، جو ایک نسل سے دوسری نسل میں منتقل ہو رہا ہے۔
      Published by:Imtiyaz Saqibe
      First published: