’ماہ صیام میں ترکی اور شام کےزلزلہ سےمتاثرین کیلئےخصوصی دعاوؤں کاکریں اہتمام‘ کیتھولک چرچ بشپ

متحدہ عرب امارات میں کیتھولک چرچ کے سربراہ بشپ پالو مارٹینیلی (Bishop Paulo Martinelli) نے کہا ہے کہ رمضان المبارک ترکی اور شام میں آئے زلزلوں سے متاثرین کے لیے دعا کرنے کا ایک خاص وقت ہے۔ کیتھولک چرچ کے سربراہ نے یہ بھی کہا کہ زلزلے میں اپنے پیاروں کو کھونے والے خاندانوں کے لیے بھی دعا کریں۔ رمضان کے پیغام میں بشپ پالو مارٹینیلی نے دنیا بھر کے مسلمانوں سے اپنی نیک خواہشات کا اظہار کیا ہے۔

بشپ مارٹینیلی نے عالم اسلام اور روزہ دار مسلمانوں پر زور دیا کہ وہ ان لوگوں کو بھی یاد رکھیں جنہوں نے غربت اور جنگ کی وجہ سے سخت مشکلات کا سامنا کیا ہے اور وہ تا حال بے سہارا ہیں۔ ایک خاص طریقے سے ہم ترکی اور شام میں زلزلے کے متاثرین، جنگ، بیماری اور بھوک سے متاثرہ دکھی انسانیت کو یاد کرتے ہیں۔

انھوں نے کہا کہ آئیے ہم پوری دنیا میں اپنے ان بھائیوں اور بہنوں کو ایک خاص انداز میں یاد رکھیں جو بے پناہ مشکلات اور مصائب سے بری طرح متاثر ہوئے ہیں۔ بشپ جنوبی عرب کے لیے اپوسٹولک ویکر ہے، جو متحدہ عرب امارات، عمان اور یمن کا احاطہ کرنے والے دائرہ اختیار میں اعلیٰ ترین کیتھولک اہلکار ہے۔ انہوں نے کہا کہ اس سال رمضان المبارک اور عید کا مسیحی دور ایک ساتھ آیا اور دونوں برادریوں کے لوگوں کو ضرورت مندوں کی مدد کا موقع فراہم کیا۔

انھوں نے کہا کہ اس سال عیسائیوں اور مسلمانوں دونوں کو ایک ہی وقت میں روزہ رکھنے، دعا کرنے اور خیراتی کاموں کے لیے خود کو تیار کرنے کا موقع ملا ہے۔ یہ تسلیم کرنے اور منانے کا ایک خاص وقت ہے کہ ہم ایک انسانی برادری سے تعلق رکھتے ہیں۔

یہ بھی پڑھیں: 

• میرٹھ: یعقوب قریشی کی سرائے بہلیم کی 13 کروڑ کی کوٹھی ضبط، افراد خاندان نے ظاہر کیا اعتراض


• ہندوستان-عراق کے NSAکے درمیان ہوئی بات چیت،دہشت گردی سے لڑنے اورباہمی تعاون پرہوئی بات چیت


• راجستھان کے پوکھرن میں فوج نے ’غلطی سے‘ میزائل کیا فائر، کھیتوں میں گرا ملبہ،جانچ کا حکم


• کرناٹک سرکار کا بڑا فیصلہ، اقلیتوں کیلئے چار فیصد ریزرویشن ہوگا ختم

انہوں نے متحدہ عرب امارات میں خیر و برکت کی دعا کی اور امید ظاہر کی ک یہ وقت دنیا بھر کے لوگوں کو متحد کر دے گا۔

بشپ مارٹینیلی نے کہا کہ یہ مقدس مہینہ خدا اور اپنے بھائیوں اور بہنوں کے قریب ہونے میں ہماری مدد کرے۔ اس سے ہمیں لوگوں اور قوموں کے درمیان امن اور دوستی میں مدد ملے گی تاکہ انسانی اور برادرانہ دنیا کی تعمیر ہو۔