پاکستان کے مشہور عالم دین مولانا طارق جمیل کو کینیڈا میں دل کا دورہ پڑا، اسپتال میں داخل

نئی دہلی : پاکستان کے مشہور عالم دین مولانا طارق جمیل کو دل کا دورہ پڑا ہے ۔ مولانا کنیڈا میں ہیں اور وہیں ان کو دل کا دورہ پڑا ہے ۔ دل کا دورہ پڑنے کے بعد مولانا کا اسپتال میں داخل کرایا گیا ہے ۔ مولانا کی حالت بہتر بتائی جارہ ہے۔ فی الحال وہ اسپتال میں ہی ہیں اور ان کا علاج کیا جارہا ہے۔ اس بات کی جانکاری مولانا کے بیٹے یوسف جمیل نے ٹویٹ کرکے دی ہے ۔

مولانا کے بیٹے یوسف جمیل نے ٹویٹ کرکے لکھا : بابا جان اس وقت کینیڈا میں ہیں اور ان کو دل کا دورہ پڑنے پر اسپتال میں منتقل کیا گیا ہے ۔ اللہ کے فضل سے اب ان کی حالت بہتر ہے ۔ آپ سب احباب سے دعاوں کی درخواست ہے ۔ اللہ رب العزت والد محترم کو صحت کاملہ عطا فرمائے ۔ یوسف جمیل کے اس ٹویٹ کو مولانا طارق جمیل کے آفیشیل اکاونٹ سے بھی ری ٹویٹ کیا گیا ہے ۔

بابا جان اس وقت کینیڈا میں ہیں اور ان کو دل کا دورہ پڑنے پر ہسپتال منتقل کیا گیا ہے. اللہ کے فضل سے اب ان کی حالت بہت بہتر ہے. آپ سب احباب سے دعاؤں کی درخواست ہے. اللہ رب العزت والد محترم کو صحت کاملہ عطا فرمائے.

— Yousaf Jamil (@YousafjamilMTJ) December 27, 2022

علاوہ ازیں مولانا طارق جمیل کے بیٹے یوسف جمیل نے یوٹیوب چینل پر بھی ایک ویڈیو بیان میں کہا ہے کہ پریشانی کی خبر تھی لیکن اب نہیں ہے ۔ ان کا کہنا تھا کہ سینے میں درد کی وجہ سے انہیں اسپتال منتقل کیا گیا ہے اور ان کا پروسیجر عافیت سے مکمل ہوگیا اور اس وقت وہ بالکل ٹھیک ہیں لیکن ابھی تک اسپتال میں ہیں۔

یہ بھی پڑھئے: پاکستان نے امریکہ میں سفارت خانےکی جائیداد کردی فروخت! اقتصادی بحران کے دوران ملک کو.....؟

یہ بھی پڑھئے: امریکہ کے بعد آسٹریلیا-سعودی عرب نے بھی کیا شہریوں کو الرٹ،میریٹ ہوٹل کو لے کرکیا آگاہ

ڈان نیوز کی ایک رپورٹ کے مطابق مولانا طارق جمیل کو یکم جنوری 2019 کو بھی مبینہ طور پر عارضہ قلب میں مبتلا ہونے کے باعث اسپتال میں داخل کرایا گیا تھا، جہاں انجیوپلاسٹی کے بعد ان کی طبیعت بہتر ہوگئی تھی۔ مولانا طارق جمیل کے ترجمان طاہر رحیمی نے بتایا تھا کہ مولانا کو دل کی شریان بند ہونے کی وجہ سے ایک اسٹنٹ ڈالا گیا ہے۔