Russia Ukraine Conflict: بین الاقوامی قوانین کی خلاف ورزی کرنے پر امریکہ نے Russia پر دو سخت پابندیاں لگائیں : جو بائیڈن

Russia Ukraine Conflict : روس اور یوکرین کے درمیان جنگ کا آغاز تقریبا ہوچکا ہے ۔ دونوں ممالک کے بحران کے درمیان امریکہ کے صدر جوبائیڈن نے قوم سے خطاب کیا ۔ اپنے خطاب میں امریکی صدر نے کہا کہ روس یوکرین میں آگے جانا چاہتا ہے ۔ روس نے اپنی فوج کو یوکرین میں بھیجا ہے ۔ انہوں نے مزید کہا کہ ہم 2014 سے زیادہ سخت پابندیاں لگائیں گے ۔

امریکی صدر نے کہا کہ روس پر دو سخت پابندیاں لگائی گئی ہیں ۔ حالانکہ انہوں نے پابندیوں کے بارے میں انکشاف نہیں کیا ۔ انہوں نے کہا کہ روس پر مالی سمیت کئی بڑی پابندیاں لگائی جائیں گی ۔ انہوں نے کہا کہ روس کو مغربی ممالک سے ملنے والی مدد کو روکیں گے ۔

جو بائیڈن نے مزید کہا کہ روس جیسے جیسے بڑھے گا ، ہم پابندیاں بڑھائیں گے ۔ ناٹو سے ہمارا وعدہ اٹل ہے ۔ انہوں نے کہا کہ ناٹو کی ہر ایک انچ سرحد کا تحفظ کریں گے ۔ بائیڈن نے کہا کہ روس نے اقوام متحدہ کے قوانین کی خلاف ورزی کی ہے ۔

امریکی صدر نے کہا کہ روس کے خلاف یوکرین کو فوجی مدد دیں گے ۔ روس نے یوکرین کے چاروں طرف اپنے فوجیوں کو تعینات کر رکھا ہے ۔ روس کے ہر چیلنجز کا مل کر جواب دیں گے ۔ روس کی دھمکی کے خلاف ہم متحد ہیں ۔ بائیڈن نے کہا کہ ہم کوشش میں ہیں کہ کوئی حل نکلے ، روس کے ہر چیلنجز کو ہم قبول کرتے ہیں ۔