Russia-Ukraine War: چین کی میڈیا کا دعوی، روس نے بنائی اپنے 31 دشمن ممالک کی فہرست، جانئے کون کون ہے شامل

نئی دہلی : روس اور یوکرین کے درمیان جنگ کے دوران چین کی سرکاری میڈیا کا دعوی ہے کہ روس نے اپنے دشمنوں کی ایک فہرست بنائی ہے ، جس میں امریکہ ، جاپان ، برطانیہ اور یوروپی یونین کے ممالک شامل ہیں ۔ یوروپی یونین میں 27 ممالک ہیں ۔ اس دشمن ممالک کی فہرست میں کل 31 ممالک کے ہونے کی بات کہی گئی ہے ۔ ایسا کہا گیا ہے کہ روس کے صدر ولادیمیر پوتن نے اس فہرست کو منظوری دیدی ہے ۔

 

کون ہیں Ukraine کی خاتون اول اولینا زیلینسکی؟ کیسے ہوئی زیلینسکی سے ملاقات، پھر پیار... جانئے سب کچھ

چین کی سرکاری میڈیا سی جی ٹی این نے دعوی کیا ہے کہ روس کی سرکار نے دشمن ممالک کی فہرست کو منظوری دیدی ہے ۔ اس فہرست میں یوکرین کا نام شامل ہے ۔ یوکرین پر حملہ کرنے کے بعد سے امریکہ ، برطانیہ اور مغربی ممالک نے فوری کارروائی کرتے ہوئے روس پر کئی پابندیوں کا اعلان کردیا تھا ، اس سے ناراض روس نے دشمن ممالک کی فہرست بنائی ہے ۔

امریکہ نے روس پر کئی پابندیاں لگاتے ہوئے روس کے صدر پوتن اور وزیر خارجہ کی انٹری پر پابندی لگادی ہے ۔ روس کے چار بینکوں اور سرکاری توانائی کمپنی پر روک لگادی ہے ۔ امریکہ نے روس کے لئے اپنا ایئراسپیس بھی بند کرنے کا اعلان کیا ہے ۔ اس کے ساتھ ہی امریکہ نے یوکرین کو مالی مدد دینے کے ساتھ ہتھیار بھی بھیجے ہیں ۔

 

یہ بھی پڑھئے :  روس کے خلاف پابندی لگانا جنگ کے آغاز جیسا ، جانئے جنگ کے 10 ویں دن پوتن نے کیا کہا

برطانیہ نے روس کے پانچ بینکوں پر پابندی لگاتے ہوئے پوتن کی املاک کو ضبط کرنے اور ان کے اکاونٹس پر روک لگادی ہے ، برطانیہ نے روس کے سرکاری طیاروں اور ارب پتیوں کے پرائیویٹ طیاروں کیلئے اپنا ایئراسپیس بند کردیا ہے ۔

یوروپی یونین کے ممالک نے بھی روس پر سخت پابندیاں لگائی ہیں ۔ اس کی وجہ سے 27 ممالک میں روس کے طیاروں کیلئے ایئراسپیس بند ہوگیا ہے ۔ اس کے ساتھ ہی روس کے ارب پتیوں کی املاک ضبط کی گئی ہیں ۔ یوروپی یونین کے ممالک نے یوکرین کو فوجی مدد بھی دی ہے ۔