Russia Ukraine War : اقوام متحدہ نے روس کو انسانی حقوق کونسل سے کیا معطل ، ووٹنگ سے ہندوستان رہا ندارد

نئی دہلی : اقوام متحدہ جنرل اسمبلی نے جمعرات کو یوکرین کے بوچا میں قتل عام کے بعد روس کو انسانی حقوق کونسل سے معطل کردیا ہے ۔ یہ جانکاری نیوز ایجنسی اے ایف پی نے دی ہے ۔ اس کارروائی پر یوکرین نے شکریہ ادا کیا ہے اور کہا کہ اقوام متحدہ کی یونٹوں میں جنگی قصورواروں کیلئے کوئی جگہ نہیں ہے ۔ حالانکہ روس کے خلاف لائی گئی تجویز پر 95 ممالک نے حمایت میں ووٹ کیا تھا جبکہ 24 ممالک نے تجویز کے خلاف ووٹ کیا ۔ ہندوستان اس مرتبہ بھی ووٹنگ میں شامل نہیں ہوا ۔ کل 58 ممالک نے ووٹنگ میں حصہ نہیں لیا ۔ کیف کے بوچا میں اجتماعی قتل کی تصویریں سامنے آنے کے بعد روسی فوج پر جنگی جرائم کے الزامات لگ رہے ہیں ۔ یہاں 400 سے زیادہ لاشیں ملی تھیں ۔

 

یہ بھی پڑھئے : پاک سپریم کورٹ نے قومی اسمبلی کو بحال کیا، ڈپٹی اسپیکر کا فیصلہ غیر آئینی قرار

یوکرین کے صدر زیلینسکی نے روسی فوج کو قاتل کہا ہے ۔ وہیں اقوام متحدہ سیکورٹی کونسل کی نیویارک میں میٹنگ کے دوران اقوام متحدہ کے جنرل سکریٹری نے یوکرین جنگ کو سب سے بڑے چیلنجوں میں سے ایک بتایا تھا ۔ یوکرین کے شہر بوچا اور کیف میں ہوئے حملوں اور اجتماعی قتل پر تیکھا رد عمل سامنے آیا ہے ۔

 

یہ بھی پڑھئے : عمران خان کے سوتیلے بیٹے کا انکشاف، فرح خان نے ابا کو دیا دھوکہ، اربوں لے کر ہوئی فرار

دنیا بھر کے ممالک نے اس پر فورا فیصلہ لینے کیلئے کہا تھا ۔ حالانکہ روس اس واقعہ سے صاف انکار کررہا ہے ۔ روس کا دعوی ہے کہ ایسا کوئی بھی قتل عام نہیں ہوا ہے ۔ روسی فوج کے شامل ہونے کے الزامات صحیح نہیں ہیں ۔ بوچا کی پچھلے مہینے لی گئی سیٹیلائٹ تصویر میں ایک چرچ کے اندر 45 فٹ لمبی اجتماعی قبر دکھائی دی تھی ، اس وقت یہ علاقہ روسی فوج کے قبضہ میں تھا ۔

بوچا اور یوکرین کے دیگر شہروں میں تشدد کو لے کر زیلینسکی نے یو این ایس سی میں کہا کہ روس کی فوج اور اس کیلئے حکم دینے والوں کو انصاف کے کٹگھرے میں کھڑا کیا جانا چاہئے ۔ انہوں نے کہا کہ روس کو سیکورٹی کونسل سے باہر کردینے کی ضرورت ہے ۔