ہوم » نیوز » عالمی منظر

امریکہ میں روس کیلئے جاسوسی کرنے والی ماریا بوٹينا کو جیل

امریکہ کی ایک عدالت نے جاسوسی کی ملزمہ روسی خاتون ماریا بوٹينا کو جیل بھیجنے کا حکم دیا ہے۔

  • UNI
  • Last Updated: Jul 19, 2018 08:57 AM IST
  • Share this:
  • author image
    NEWS18-Urdu
امریکہ میں روس کیلئے جاسوسی کرنے والی ماریا بوٹينا کو جیل
ماریا بوٹنیا کی تصویر: بی بی سی

واشنگٹن: امریکہ کی ایک عدالت نے جاسوسی کی ملزمہ روسی خاتون ماریا بوٹينا کو جیل بھیجنے کا حکم دیا ہے۔کولمبیا کے ڈسٹرکٹ کورٹ میں بدھ کو اس معاملے کی سماعت کے دوران استغاثہ نے ماریا پر روس کے لئے امریکہ میں جاسوسی کرنے کے الزام لگائے اور اس کی ایک تصویر بھی عدالت کے سامنے پیش کیا. تصویر میں ماریا ایک ریسٹورنٹ میں ایک روسی جاسوس سے ملاقات کرتے ہوئے دکھائی دے رہی ہے۔



اس سے پہلے اتوار كو امریکہ میں رہنے والی 29 سالہ روسی خاتون ماریا بوٹينا کو جاسوسی کے الزام میں گرفتار کیا گیا تھا. ماریا پر امریکی شہریوں کے ساتھ تعلقات قائم کرکے کر روسی حکومت کے ایجنٹ کے طور پر کام کرنے اور سیاسی گروپوں میں دراندازی کی سازش رچنے کے الزام ہیں۔امریکی یونیورسٹی کی طالبہ ماریا بوٹينا بندوق رکھنے کے حقوق (گن رائٹس) کی وکالت کرنے والے ایک روسی تنظیم کی بانی بھی ہے. ماریا پر روس کے ایک مرکزی بینک کے ایک اعلی افسر کی ہدایت پر کام کرنے کے الزامات ہیں۔


ماریا بوٹينا کے فیس بک اکاؤنٹ پر پوسٹ کی گئی تصاویر کے مطابق اس نے نیشنل رائفل ایسوسی ایشن کی جانب سے اسپانسر ڈپروگراموں میں بھی شرکت کی۔ بہت سی تصاویر میں ماریا روسی مرکزی بینک کے نائب صدر الیگزینڈر ٹورشن کے ساتھ بھی نظر آرہی ہیں۔ ماریا الیگزینڈر ٹورشن کے لئے کام کر چکی ہےقابل غور ہے کہ امریکی محکمہ مالیات نے اپریل میں ٹورشن پر پابندی لگا دی تھی۔

First published: Jul 19, 2018 08:57 AM IST
corona virus btn
corona virus btn
Loading