ہوم » نیوز » عالمی منظر

سعودی عرب میں کوروناوائرس کادوسرامعاملہ: سعودی شہریوں کےعمرہ پرلگائی گئی عارضی پابندی

سعودی عرب نے سعودی شہریوں اور مملکت میں تارکین وطن کے لئے بدھ کے روز سے عمرہ ادائیگی کو عارضی طور پر معطل کردیاہے۔

  • Share this:
سعودی عرب میں کوروناوائرس کادوسرامعاملہ: سعودی شہریوں کےعمرہ پرلگائی گئی عارضی پابندی
علامتی تصویر

سعودی عرب نے بدھ کے روز کورونا وائرس کے دوسرے کیس کی تصدیق کردی ہے۔۔ سعودی پریس ایجنسی کی خبر کے مطابق ، کورونا وائرس سے متاثرہ شخص سعودی شہری ہے جو بحرین کے راستے مملکت واپس آنے سے پہلے ایران گیا تھا۔وزارت صحت نے ایک بیان میں کہا ہے کہ متاثرہ شخص نے سعودی بندرگاہ پر اس بات کی اطلاع نہیں دی تھی کہ وہ ایران کا دورہ کرکے آیاہے۔ تاہم بعد میں طبی جانچ کرنے پر ایک شخص کورونا وائرس سے متاثر پایاگیاہے۔یادر ہے کہ اس سے پہلے بھی سعودی عرب میں کورونا وائرس کا ایک معاملہ سامنے آیاہے۔ جہاں ایران اور بحرین کے راستے آنے والا مسافر کورونا وائرس سے متاثر پایاگیاتھا۔


سعودی  عرب: کورونا  وائرس کا دوسرا کیس آیا سامنے۔(تصویر: رائٹرز)۔
سعودی عرب: کورونا وائرس کا دوسرا کیس آیا سامنے۔(تصویر: رائٹرز)۔


سعودی عرب نے سعودی شہریوں اور مملکت میں تارکین وطن کے لئے بدھ کے روز سے عمرہ ادائیگی کو عارضی طور پر معطل کردیاہے۔ وزارت داخلہ کے سرکاری ذرائع کے ایک بیان کے مطابق ، یہ فیصلہ مملکت میں کورونا وائرس (COVID-19) کے متعلق کیس سامنے کے آنے کے بعد کیاگیاہے۔ اس سلسلہ میں تشکیل کردہ کمیٹی کی سفارش پر سعودی عرب حکومت نے یہ فیصلہ لیاہے ۔ سرکاری نیوز ایجنسی نے اس با ت کی اطلاع دی ہے ۔بیان میں کہا گیا ہے کہ متعلقہ حکام اس فیصلے پر مستقل طور پر جائزہ لیں گےاور حالات معمول پر آنے کے عمرہ کی ادائیگی پر عارضی روک ہٹادیاجائیگا۔


وزارت داخلہ کے ترجمان نے سعودی حکومت کی جانب سے اس وائرس کے پھیلاؤ کو روکنے کے لئے عالمی سطح پر کی جانے والی کوششوں ، خاص طور پر عالمی ادارہ صحت جیسے ڈبلیو ایچ او کی حمایت کرنے کی خواہش کو روکنے کے اقدامات کی وجہ قرار دیا۔ملکی عازمین کے لئے عمرہ زیارت کی معطلی حکومت کے فیصلے کی توسیع کے طور پر دیکھی جاسکتی ہے کہ عازمین عمرہ کے لئے عازمین داخلہ اور مملکت کے باہر سے مسجد نبوی کا دورہ ، اور ساتھ ہی ایسے ممالک کے لوگوں کے لئے سیاحتی ویزا معطل کرنے کا فیصلہ کیاگیا ہے ۔جہاں کورونا وائرس کی وباؤ پھیل گئی ہے ۔

علامتی تصویر
مسجد الحرام اور مسجد نبوی میں نماز عید کے روح پرور اجتماعات منعقد ہوئے جن میں امت مسلمہ کی خوشحالی اور کامیابی کے لیے دعائیں مانگی گئیں۔(تصویر:اے ایف پی)۔


ترجمان نے کہا کہ یہ فیصلہ کورونا وائرس کی وبا ء پر قابوپانے اوردو مقدس مقدمات تک اس کی رسائی کو روکنے کے لئے مستقل طور پر اٹھائے ہیں۔جو حجاج کرام کے لیے مستقل طور پر راحت فراہم کریگا۔بیان میں مزید کہا گیا کہ یہ سعودی حکام کی جانب سے مملکت میں اس وائرس کے پھیلاؤ کو روکنے اور شہریوں اور تارکین وطن کی زیادہ سے زیادہ حفاظت کو یقینی بنانے کے لئے کی جانے والی کوششوں کی تکمیل کے لئے کیے گئے احتیاطی اقدامات ہے۔

پیر کو سعودی عرب میں COVID-19 کا پہلا کیس سامنے آیا تھا۔ وزارت صحت نے سعودی شہری سے بحرین کے راستے سلطنت جانے والے سعودی شہری کے پہلے کورونا وائرس کیس کا سراغ لگانے کا اعلان کیا۔احتیاطی تدابیر کے ایک حصے کے طور پر ، وزارت خارجہ نے گذشتہ جمعرات سے تمام ممالک کے لئے عارضی طور پر عمرہ ویزا اور 22 ممالک کے سیاحتی ویزا معطل کردیئے تھے۔ حکام نے واضح کیا ہے کہ ملازمین ویزا ، ورک وزٹ ویزا ، بزنس وزٹ ویزا اور فیملی وزٹ ویزا رکھنے والے مسافروں کو سفری پابندیوں سے دور رکھا گیاہے۔
First published: Mar 05, 2020 10:40 AM IST