سعودی عرب جانے والے ہندوستانیوں کیلئے خوشخبری، ویزا کیلئے اب نہیں دینا ہوگا یہ سرٹیفکیٹ

نئی دہلی : ہندوستان اور سعودی عرب کے درمیان مضبوط ہوتے رشتوں میں جمعرات کو ایک اور نئی کڑی جڑ گئی ۔ سعودی عرب نے فیصلہ کیا ہے کہ اب ہندوستانی شہریوں کو سعودی عرب کا ویزہ حاصل کرنے کیلئے پولیس کلیئرنس سرٹیفکیٹ دینے کی ضرورت نہیں پڑے گا۔ سعودی عرب کے اس فیصلہ سے وہاں جانے والے ہندوستانی شہریوں کا بڑی راحت ملے گی ۔

اس کی جانکاری دہلی میں واقع سعودی عرب کے سفارت خانہ نے جعمرات کو ٹویٹر پر دی ۔ سفارت خانہ کے ٹویٹ میں لکھا گیا ہے کہ سعودی عرب اور ہندوستان کے درمیان مضبوط تعلقات اور اسٹریٹجک پاٹنرشپ کو دیکھتے ہوئے سعودی عرب نے ہندوستانی شہریوں کو پولیس کلیئرنس سرٹیفکیٹ ( پی سی سی ) جمع کرنے سے چھوٹ دینے کا فیصلہ کیا ہے ۔

In view of the strong relations and strategic partnership between the Kingdom of Saudi Arabia and the Republic of India, the Kingdom has decided to exempt the Indian nationals from submitting a Police Clearance Certificate (PCC). pic.twitter.com/LPvesqLlPR

— Saudi Embassy in New Delhi (@KSAembassyIND) November 17, 2022

سعودی عرب سفارت خانہ کی جانب سے جاری کئے گئے خط میں کہا گیا ہے کہ ہندوستانی شہریوں کو ویزہ حاصل کرنے کیلئے اب پولیس کلیئرنس سرٹیفکیٹ جمع کرنے کی ضرورت نہیں ہے ۔

یہ بھی پڑھئے: بڑے دہشت گردی ماڈیول کا پردہ فاش، 2 دہشت گرد گرفتار، لاکھوں کی نقدی سمیت ہتھیار ضبط

یہ بھی پڑھئے: یو ٹی کے شہروں اور قصبوں کی مجموعی ترقی کو یقینی بنایا جائے: ڈاکٹر ارون کمار مہتا

سفارت خانہ نے کہا کہ یہ فیصلہ دونوں ممالک کے تعلقات کو مزید مضبوط کرنے کی کوشش کے تحت لیا گیا ہے ۔