ہوم » نیوز » عالمی منظر

شاہ سلمان نے کی نیوزی لینڈ حملہ کی شدید مذمت، حملہ کو بدترین دہشت گردی سے کیا تعبیر

ٹویٹر پر اپنے بیان میں خادم الحرمین الشریفین نے کہا کہ نیوزی لینڈ میں نماز ادا کرنے والے مسلمانوں پر بزدلادنہ اور وحشیانہ حملہ بدترین دہشت گردی ہے۔

  • Agencies
  • Last Updated: Mar 16, 2019 01:28 PM IST
  • Share this:
  • author image
    NEWS18-Urdu
شاہ سلمان نے کی نیوزی لینڈ حملہ کی شدید مذمت، حملہ کو بدترین دہشت گردی سے کیا تعبیر
سعودی عرب کے شاہ سلمان بن عبدالعزیز: فائل فوٹو

سعودی عرب کے شاہ سلمان بن عبدالعزیز نے نیوزی لینڈ کے شہر کرائسٹ چرچ میں جمعہ کے روز دو مسجدوں میں ہوئے دہشت گردانہ حملے کی شدید مذمت کرتے ہوئے جرائم میں ملوث افراد کو عبرتناک سزا دینے کی مانگ کی ہے۔ اس دہشت گردانہ حملے میں کم از کم 49 افراد کی موت جبکہ 48 سے زیادہ لوگ زخمی ہوئے ہیں۔

العربیہ ڈاٹ نیٹ کے مطابق، ٹویٹر پر اپنے بیان میں خادم الحرمین الشریفین نے کہا کہ نیوزی لینڈ میں نماز ادا کرنے والے مسلمانوں پر بزدلادنہ اور وحشیانہ حملہ بدترین دہشت گردی ہے۔ عالمی برادری کو نفرت پھیلانے اور دہشت گردی کے مرتکب عناصر کے خلاف مل کر جنگ جاری رکھنا ہو گی۔ انہوں نے کہا کہ دہشت گردوں کا کوئی دین اور مذہب نہیں ہوتا۔ دہشت گرد دینی اور انسانی اقدار سے عاری ہیں۔

خیال رہے کہ  مساجد میں نمازیوں کے وحشیانہ قتل عام کی پوری دنیا میں مذمت کی جا رہی ہے۔ نیوزی لینڈ کی حکومت نے مرکزی حملہ آور سمیت 4 مشتبہ افراد کو حراست میں لیا ہے جن سے تفتیش جاری ہے۔

یہ بھی پڑھیں: نیوزی لینڈ: شوٹر نے 2 دن پہلے ہی بتاد ی تھی حملے کی پوری پلاننگ


First published: Mar 16, 2019 01:27 PM IST
corona virus btn
corona virus btn
Loading