ہوم » نیوز » عالمی منظر

بڑا جھٹکا! پاکستان کے فوجی سربراہ باجوا سے نہیں ملے شہزادہ محمد بن سلمان، تیل۔ گیس پر روک جاری

خلیج ٹائمس کے مطابق، باجوا نے کئی بار شہزادہ محمد بن سلمان سے ملنے کے لئے وقت مانگا، لیکن ان کی طرف سے مصروف ہونے کی بات کہہ کر اس سے انکار کر دیا گیا۔ سعودی شہزادہ نے دو ٹوک لہجے میں پاک فوجی سربراہ سے ملنے سے انکار کر دیا۔

  • Share this:
بڑا جھٹکا! پاکستان کے فوجی سربراہ باجوا سے نہیں ملے شہزادہ محمد بن سلمان، تیل۔ گیس پر روک جاری
پاکستان کے فوجی سربراہ جنرل قمر جاوید باجوا کی فائل فوٹو

اسلام آباد۔ پاکستان (Pakistan)  کے وزیر خارجہ شاہ محمود قریشی (Shah mahmood qureshi) کا ایک بیان اب عمران حکومت کے لئے بھاری پڑتا نظر آ رہا ہے۔ شہزادہ محمد بن سلمان (Crown prince mohammad bin salman) نے سعودی عرب کو منانے ریاض پہنچے پاکستان کے فوجی سربراہ جنرل قمر جاوید باجوا (General qamar javed bajwa) سے ملاقات کرنے سے واضح طور پر انکار کر دیا۔ اتنا ہی نہیں، ریاض میں باجوا کے احترام میں منعقد پروگرام کو بھی منسوخ کر دیا گیا جس کے بعد انہیں خالی ہاتھ ہی واپس لوٹنا پڑا۔


خلیج ٹائمس کے مطابق، باجوا نے کئی بار شہزادہ محمد بن سلمان سے ملنے کے لئے وقت مانگا، لیکن ان کی طرف سے مصروف ہونے کی بات کہہ کر اس سے انکار کر دیا گیا۔ سعودی شہزادہ نے دو ٹوک لہجے میں پاک فوجی سربراہ سے ملنے سے انکار کر دیا۔ دونوں ملکوں کے بیچ آئی تلخی کا پتہ اس بات سے لگایا جا سکتا ہے کہ باجوا کی عزت افزائی کے لئے سعودی عرب نے ایک پروگرام کا اعلان کیا تھا۔ پیر کے روز آخری وقت پر ریاض کی انتظامیہ نے اس پروگرام کو بھی منسوخ کر دیا۔


محمد بن سلمان سے ملاقات نہ کر پانے کے بعد جنرل باجوا نے سعودی عرب کے چیف آف جنرل اسٹاف میجر جنرل فیاض بن حماد الرویلی سے ملاقات کی۔ حالانکہ یہ بھی ایک خیرسگالی ملاقات ہی ثابت ہوئی اور اس میں بھی فوجی تعاون کے علاوہ کسی اور مسئلہ پر بات چیت نہیں ہو پائی۔ اس دوران باجوا نے سعودی عرب کو اور زیادہ فوجی مدد دینے کی خواہش بھی ظاہر کی۔ دراصل، سعودی عرب پاکستان کے وزیر خارجہ شاہ محمود قریشی کے بیانات کو لے کر ناراض ہے۔ قریشی نے کشمیر معاملہ کو لے کر سعودی عرب کے موقف کی عوامی طور پر مذمت کی تھی۔ انہوں نے سعودی کو دھمکی دیتے ہوئے کشمیر پر اکیلے میٹنگ بلانے کا اعلان بھی کیا تھا۔ اسی سے ناراض سعودی عرب نے پاکستان کو دی جانے والی 6.2 بلین ڈالر کی فائنانشیل ڈیل کو منسوخ کر دیا اور ادھار تیل۔ گیس دینے پر بھی روک لگا دی۔

Published by: Nadeem Ahmad
First published: Aug 19, 2020 10:51 AM IST