ہوم » نیوز » عالمی منظر

سعودی شاہ سلمان نے اعلان کیا تاریخ کا سب سے بڑا بجٹ

ریاض۔ سعودی عرب نے مالی سال 2018ء کے لئے تقریباً ایک ٹریلین (978 ارب سعودی ریال ) کے بجٹ کا اعلان کردیا ہے۔

  • Agencies
  • Last Updated: Dec 20, 2017 12:58 PM IST
  • Share this:
  • author image
    NEWS18-Urdu
سعودی شاہ سلمان نے اعلان کیا تاریخ کا سب سے بڑا بجٹ
سعودی عرب کے فرمانروا شاہ سلمان۔ تصویر: رائٹرز، فائل فوٹو

ریاض۔ سعودی عرب نے مالی سال 2018ء کے لئے تقریباً ایک ٹریلین (978 ارب سعودی ریال ) کے بجٹ کا اعلان کردیا ہے۔ یہ سعودی عرب کی تاریخ کا سب سے بڑا بجٹ ہے۔ سعودی عرب کے شاہ سلمان نے اس بجٹ کے بارے میں اعلان کیا۔


العربیہ ڈاٹ نیٹ کے مطابق، موجودہ مالی سال کے دوران میں مجموعی قومی پیداوار ( جی ڈی پی ) کے مقابلے میں مالی خسارہ 8.9 فی صد رہا ہے۔ سال 2016ء میں یہ مالی خسارہ 12.8 فی صد تھا۔2017ء کے دوران میں کل 926 ارب سعودی ریال اخراجات ہوئے ہیں جبکہ آمدنی 696 سعودی ریال رہی ہے۔ اس طرح بجٹ میں خسار ہ 230 سعودی ریال رہا ہے۔


سعودی عرب کے ولی عہد شہزادہ محمد بن سلمان بن عبدالعزیز نے کہا ہے کہ بڑے اصلاحات کے لئے قدم اٹھائے گئے ہیں تاکہ زیادہ سے زیادہ ملازمت کے مواقع پیدا کئے جا سکیں۔ سعودی پریس ایجنسی ( ایس پی اے) کی جانب سے جاری کردہ بیان کے مطابق شہزادہ محمد بن سلمان نے کہا کہ 2018ء کے وسیع تر بجٹ میں نئے ترقیاتی اقدامات شامل ہیں۔ ان کا مقصد ویژن 2030ء میں اقتصادی استحکام کے لیے مقرر کردہ اہداف کا حصول ہے۔

First published: Dec 20, 2017 12:58 PM IST
corona virus btn
corona virus btn
Loading