پاکستان کو سعودی عرب دے گا دو ارب ڈالر کی مدد، لیکن آئی ایم ایف نے رکھی یہ شرط

اسلام آباد : کیش بحران کا سامنا کررہا پاکستان دو ارب ڈالر کی اضافی امداد حاصل کرنے کے لئے سعودی عرب کے ساتھ معاہدہ کر سکتا ہے۔ سرکاری حکام کے مطابق اس قدم سے پاکستان کو انٹرنیشنل مانیٹری فنڈ (آئی ایم ایف) سے امدادی پیکج حاصل کرنے میں مدد ملے گی، جس کی اسے اس وقت بہت زیادہ ضرورت ہے۔

مارچ میں پاکستان نے سعودی عرب سے اپیل کی تھی کہ وہ آئی ایم ایف کے ساتھ سمجھوتہ کرنے کے لئے فنڈز کی تصدیق کرے۔ پاکستان کو ریاض سے رواں ماہ ہی اضافی رقم جاری کرنے کی اجازت مل گئی تھی۔ پاکستان کو سعودی عرب سے یہ تعاون انتہائی اہم وقت پر مل رہا ہے۔ آئی ایم ایف کے ساتھ 2019 میں دستخط شدہ پروگرام 30 جون 2023 کو غیر فعال ہو جائے گا اور اس کے بعد طے شدہ رہنما خطوط کے مطابق اس پروگرام کو بڑھایا نہیں جا سکے گا۔

آئی ایم ایف نے پاکستان کے سامنے شرط رکھی ہے کہ سات ارب ڈالر کا ریلیف پیکج حاصل کرنے کے لئے پہلے دوسرے ممالک سے تین ارب ڈالر اکٹھے کرنے ہوں گے۔ ایک اعلیٰ عہدیدار نے دی نیوز انٹرنیشنل کو بتایا کہ اسٹیٹ بینک آف پاکستان 2 ارب ڈالر کے اضافی ڈپازٹس کے لئے عید کے فوراً بعد سعودی فنڈ آف ڈویلپمنٹ کے ساتھ معاہدہ کرے گا۔

یہ بھی پڑھئے: آکسفورڈ یونیورسٹی نے ملالہ یوسفزئی کو اعزازی فیلو شپ سے نوازا، والد نے کہی یہ بڑی بات

یہ بھی پڑھئے: افغانستان میں جس ہیلی کاپٹر سے برسائی گئی تھی گولیاں، اسی کو جوڑے نے بنالیا گھر، بیت الخلا اور کمرے کی بھی ہے سہولت

رپورٹ کے مطابق عہدیدار نے بتایا کہ سعودی عرب نے آئی ایم ایف سے دوطرفہ تعاون کی تصدیق کردی ہے۔