عالمی منظر
- ہوم »
- نیوز »
- عالمی منظر
حرمین ایکسپریس لائن کا افتتاح، مکہ سے مدینہ کا سفر اب دو گھنٹے میں طے ہوگا
سعودی عرب کے شہر جدہ سے ہوتے ہوئے مکہ سے مدینہ کو جانے والی اس’ حرمین ایکسپریس لائن ‘میں 35 ٹرینیں شامل ہیں۔
سعودی عرب کے شہر جدہ سے ہوتے ہوئے مکہ سے مدینہ کو جانے والی اس’ حرمین ایکسپریس لائن ‘میں 35 ٹرینیں شامل ہیں۔
- UNI
- Last Updated :
شاہ سلمان نے سعودی عرب کے مقدس شہروں مکہ اور مدینہ کے درمیان تیز ترین ٹرین سروس کا افتتاح کر دیا ہے جس کے بعد 450 کلومیٹر کا سفر 300 کلومیٹر فی گھنٹہ کی رفتار سے طے ہوگا۔ جدہ سے ہوتے ہوئے مکہ سے مدینہ کو جانے والی اس’ حرمین ایکسپریس لائن ‘میں 35 ٹرینیں شامل ہیں۔ حکام کے مطابق ان میں چھ کروڑ افراد سالانہ سفر کریں گے اور اس کا مقصد حاجیوں اور عمرہ کرنے آنے والے افراد کو ٹریفک کی بہتر سہولیات فراہم کرنا ہے۔
اس ٹرین کا کمرشیل آغاز آئندہ پیر سے شروع ہو جائے گا۔ بی بی سی نے اطلاع دی ہے کہ دونوں اطراف سے یومیہ آٹھ ٹرینیں چلیں گی اور سال کے آخر تک یہ 12 تک بڑھا دی جائی گی۔ سعودی عرب کے وزیرٹرانسپورٹ نبی العمودی نے بتایا’’دونوں حرمین کے درمیان سفر مختصر اور آسان ہو جائے گا۔ اس منصوبے سے مملکت کے اسلام اور مسلمانوں کی خدمت کے جذبے کی عکاسی ہوتی ہے۔‘‘ حج اور عمرہ کے دوران مسلمان مکہ اور مدینے کے درمیان بس کے ذریعے سفر کرتے ہیں جس میں چھ گھنٹے تک لگ جاتے ہیں اب یہی سفر دو گھنٹے پر محیط ہو گا۔
مکہ کا ریلوے اسٹیشن مسجد الحرام سے چار کلومیٹر کے فاصلہ پر ہے۔ یہاں 20000 مسافروں کو فی گھنٹہ تک سہولت دینے کی گنجائش ہے۔
- @KingSalman inaugurated the Al-#Haramain Express train at a ceremony in #Jeddahhttps://t.co/wc50pVHPKg pic.twitter.com/cedStBLswB
— Arab News (@arabnews) September 25, 2018
یہ ریلوے لائن دو مراحل میں مکمل کی گئی اور اس میں سعودی، فرانسیسی ، چینی اور اسپین کی کمپبنیوں نے حصہ لیا۔ یہ منصوبہ چھ سال میں مکمل ہوا۔
یہ بھی پڑھیں: سعودی عرب کے اس منصوبے سے صرف ایک جزیرے تک سمٹ جائے گا قطر
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔