شبھرا مکھرجی کی آخری رسوم میں شرکت کے لئے شیخ حسینہ کی دہلی آمد

بنگلہ دیش کی وزیراعظم شیخ حسینہ صدر جمہوریہ پرنب مکھرجی کی اہلیہ شبھرا مکھرجی کی آخری رسوم میں شرکت کےلئے آج دہلی آرہی ہیں۔

Aug 19, 2015 10:14 AM IST | Updated on: Aug 19, 2015 10:14 AM IST
شبھرا مکھرجی کی آخری رسوم میں شرکت کے لئے شیخ حسینہ کی دہلی آمد

نئی دہلی۔ بنگلہ دیش کی وزیراعظم شیخ حسینہ صدر جمہوریہ پرنب مکھرجی کی اہلیہ شبھرا مکھرجی کی آخری رسوم میں شرکت کےلئے آج دہلی آرہی ہیں۔ ان کی آخری رسوم آج دس بجے لودھی روڈ واقع کریمیٹوریم میں ادا کی جائیں گی۔

شبھرا 17 ستمبر 1940 کوجسورے (اب بنگلہ دیش میں) میں پیدا ہوئی تھیں۔ محترمہ حسینہ صبح آٹھ بجے اندراگاندھی بین الاقوامی ایئرپورٹ پہنچیں گی اس کے بعد وہ صدر جمہوریہ سے ملنے کے لیے راشٹرپتی بھون جائیں گی، پھر شبھرا مکھرجی کو خراج عقیدت پیش کرنے کے لیے تال کٹورا روڈ روانہ ہوجائیں گی۔ بنگلہ دیش کی وزیراعظم ساڑھے گیار بجے وزیراعظم نریندر مودی سے ان کی رہائش گاہ 7 ریس کورس روڈ پر ملاقات کریں گی۔ وہ سہ پہر تین بجے واپس وطن روانہ ہوجائیں گی۔

Loading...

Loading...