امریکی ریاست ٹیکساس کے شاپنگ مال میں ہوئی فائرنگ، متعدد زخمی، پولیس نے شوٹر کو مارگرایا

امریکہ میں فائرنگ کے واقعات میں مسلسل اضافہ دیکھنے کو مل رہا ہے۔ تازہ واقعہ ٹیکساس کا ہے جہاں میڈیا رپورٹس کے مطابق، ایک شاپنگ مال میں فائرنگ ہوئی ہے، جس میں بچوں سمیت متعدد لوگ زخمی ہوئے ہیں۔ عہدیداروں کے حوالے سے بتایا گیا ہے کہ ٹیکساس کے ایلن میں ایلن پریمیم ااوٹ لیٹس مال میں مشتبہ حملہ آور نے فائرنگ کی۔ پولیس ایلن پریمیم آوٹ لیٹس میں موجود ہے۔ رپورٹس کے مطابق، پولیس نے مشتبہ شوٹر کو مار گرایا ہے۔

کولن کاؤنٹی شیرف کے دفتر نے کہا کہ فائرنگ میں چند افراد کے زخمی ہونے کا خدشہ ہے۔ ایلن پولیس ڈیپارٹمنٹ نے آفیشل ٹویٹر ہینڈل پر لوگوں کو علاقے میں جانے سے بچنے کا مشورہ دیا ہے۔

شیرف کے دفتر کے ترجمان نے کہا کہ مال میں کچھ متاثرین ہیں۔ تاہم ترجمان نے کہا کہ فی الحال ان کی حالت معلوم نہیں ہے۔ امریکی قانون ساز کیتھ سیلف نے کہا کہ پولیس کے پاس اس جگہ کا مکمل کنٹرول ہے۔ ان کا مزید کہنا تھا کہ ایک شوٹر کو گولی مار دی گئی ہے اور اطلاعات کے مطابق متعدد ہلاکتیں ہوئی ہیں۔

یہ بھی پڑھیں:

Lunar Eclipse: سال 2023 کے پہلے چاند گرہن کی یہ رہی خاص بات، مکمل چاند بھی نظر آیا مدہم، لیکن کیوں؟

ایک ٹوئٹ میں، یتھ سیلف نے کہا کہ آج ایلن پریمیم آوٹ لیٹس میں ہوئی فائرنگ کی غمناک خبر سے ہم پریشان ہوگئے ہیں۔ ہماری دعا متاثرہ اور ان کے افراد خاندان اور مقام واقعہ پر موجود سبھی قانونی ایجنسیوں کے ساتھ ہے۔

یہ بھی پڑھیں:

سوڈان تنازعہ کے دوران ہندوستان کی نئی پیش رفت، ’آپریشن کاویری‘ کے تحت 3,800 لوگوں کی وطن واپسی

انہوں نے کہا کہ یہ ایک پریشان کن صورتحال ہے، لیکن ایلنپی ڈی کے پاس حالات قابو میں ہے۔ ایک شوٹر سمیت مزید کئی لوگ متاثر ہوئے ہیں۔ عوام کو علاقے سے دور رہنے کی اپیل کی گئی ہے جب کہ اس پورے معاملے کی جانچ کی جارہی ہے۔