حجاب مخالف احتجاج کو لے کر ایران میں اب تک 92 مظاہرین کی موت، 164 شہروں میں پھیلا احتجاج

ایران میں 22 سال مہسا امینی کی پولیس حراست میں موت کے بعد کئی خواتین سے پولیس کی بربریت کی خبریں سامنے آرہی ہیں۔ ملک میں 16 ستمبر سے شروع ہوئے مظاہروں کے بعد سے اب تک 92 مظاہرین کی موت ہوچکی ہے۔ میڈیا رپورٹس کے مطابق حجاب مخالف مظاہرہ ایران کے 164 شہروں میں پھیل چکا ہے۔

اب یہاں 17 سالہ نیکا شکرامی کا بہیمانہ قتل کردیا گیا ہے۔ اسے ہفتہ کو مظاہرے کے دوران آخری مرتبہ دیکھا گیا تھا۔ وہ اسی دن سے غائب بتائی جارہی تھی۔ حجاب مخالف مظاہرہ کی قیادت کررہی نیکا شکرامی کو بھی بے رحمی سے مار ڈالنے کا الزام لگا ہے۔

اتوار رات کو جب اس کے افراد خاندان کو پولیس اسٹیشن طلب کر کے نعش سونپی گئی تو اس کی نا کٹی ہوئی پائی گئی۔ ساتھ ہی سر پر بھی 29 زخم تھے۔ نیکا کی موت کے بعد پیر کو لوگوں کا غصہ میں مزید بھڑک گیا ہے۔

پولیس نے لگاتار کیا پیچھا
دی ٹیلیگراف کی رپورٹ کے مطابق، نیکا کو تہران کے ایک بازار سے اخلاقی پولیس نے گرفتار کیا تھا۔ تب وہ اپنے دوستوں کے ساتھ نعرے بازی کررہی تھی۔ اس وقت وہ پولیس گرفت سے بھاگ نکلی۔ اس کے بعد پولیس نے لگاتار اس کا پیچھا کیا۔ اس درمیان افراد خاندان نے اسے ہر جگہ تلاش کیا لیکن انہیں جب پولیس نے بلایا تو بری حالت میں نعش سونپی گئی۔

پارلیمانی صدر نے کہا، غیر مستحکم ہورہا ہے ملک
ایران کے پارلیمانی اسپیکر محمد باقر کلیباف نے خبردار کیا ہے کہ پولیس کی حراست میں ایک نوجوان خاتون کی ہلاکت پر جاری مظاہرے ملک کو عدم استحکام کا شکار کر سکتے ہیں۔ انہوں نے سیکورٹی فورسز پر بھی زور دیا کہ وہ مظاہرین سے سختی سے نمٹیں۔ کلیباف نے قانون سازوں کو بتایا کہ جاری احتجاج ملک کی سلامتی اور امن عامہ کو خطرے میں ڈال سکتا ہے۔

یہ بھی پڑھیں:
اسرائیل اور امریکہ، ایران میں فسادات کرانا چاہتا ہے: ایرانی سپریم لیڈر آیت اللہ علی خامنہ

یہ بھی پڑھیں:
فزکس کے نوبل انعام کا اعلان آج، معاشیات کے لیے 10 اکتوبر کو ہوگا اعلان

خامنہ ای نے خاموشی توڑ دی، امریکہ پر لگایا الزام
ایران کے سپریم لیڈر آیت اللہ علی خامنہ ای نے پیر کو ایران میں جاری مظاہروں پر پہلی بار عوامی سطح پر ردعمل کا اظہار کیا۔ اپنی خاموشی توڑتے ہوئے انہوں نے الزام لگایا کہ امریکہ اور اسرائیل منظم طریقے سے ان مظاہروں کو ہوا دے رہے ہیں۔