مکمل سرکاری اعزاز کے ساتھ سشیل کوئرالہ کی آخری رسوم ادا

کاٹھمنڈو۔  نیپال کے سابق وزیر اعظم سشیل کوئرالا کی آج کامل سرکاری اعزاز کے ساتھ آخری رسوم ادا کی گئیں۔ دل کا دورہ پڑنے سے کل ان کا 77 سال کی عمر میں انتقال ہو گیا تھا۔ باغمتی ندی کے کنارے پر واقع پشوپتی اريگھاٹ شمشان میں ہندو طریقہ کے مطابق مسٹر کوئرالہ کی آخری رسوم ادا کی گئيں۔ ان کے بھتیجے اتل کوئرالا اور سدھانشو نے مشترکہ طور پر ان کی میت کو آگ دی۔

اس سے پہلے ہزاروں لوگ ان کی آخری رسوم میں شامل ہوئے۔ ان کا جسد خاکی سوسن کے پھولوں سے سجے ایک ٹرک پر رکھا گیا تھا جس کے ساتھ ہزاروں کی تعداد میں لوگ پھول اور ان کی تصویر والے اشتہار وغیرہ کے ساتھ چل رہے تھے۔

مسٹر کوئرالا کا کل دیر رات کاٹھمنڈو میں دل کا دورہ پڑنے سے انتقال ہو گیا تھا۔ وہ پھیپھڑوں کی بیماری میں مبتلا تھے۔ انہوں نے پیر کی رات 12 بج کر 50 منٹ پر آخری سانس لی۔ ان کے انتقال پر نیپال میں عام تعطیل کا اعلان کیا گیا ہے۔