طالبان نے افغان طالبات کیلئے یونیورسٹی کی تعلیم پر عائد کی پابندی، آخر کتنی ہے سچائی؟

افغانستان کے طالبان (Taliban) حکمرانوں نے ملک بھر میں خواتین کے لیے یونیورسٹی کی تعلیم پر پابندی لگا دی ہے۔ اس قدم کو انسانی حقوق پر ایک اور حملے سے تعبیر کیا جارہا ہے۔ اسی وجہ سے امریکہ اور اقوام متحدہ کی جانب سے مذمت کی گئی ہے۔ گزشتہ سال جب طالبان نے حکومت تشکیل دی تو بہتر اور عوامی حکمرانی کا وعدہ کرنے کے باوجود طالبان نے بین الاقوامی غم و غصے کو نظر انداز کرتے ہوئے خواتین کی زندگی کے تمام پہلوؤں پر پابندیاں لگا دیں۔

وزیر اعلیٰ تعلیم ندا محمد ندیم نے تمام سرکاری اور نجی یونیورسٹیوں کو جاری کردہ ایک خط میں کہا کہ آپ سب کو مطلع کیا جاتا ہے کہ خواتین کی تعلیم کو معطل کرنے کے متذکرہ حکم کو اگلے نوٹس تک فوری طور پر نافذ کریں۔ وزارت کے ترجمان ضیاء اللہ ہاشمی نے خط کو ٹویٹ کیا، انھوں نے میڈیا کو ایک ٹیکسٹ پیغام میں حکم کی تصدیق کی۔

واشنگٹن نے سخت ترین الفاظ میں فیصلے کی مذمت کی۔ سکریٹری آف اسٹیٹ انٹونی بلنکن نے ایک بیان میں کہا کہ طالبان اس وقت تک بین الاقوامی برادری کا ایک جائز رکن بننے کی توقع نہیں کر سکتے جب تک کہ وہ افغانستان میں سب کے حقوق کا احترام نہیں کرتے۔ یہ فیصلہ طالبان کے لیے نتائج کے ساتھ آئے گا۔ کوئی بھی ملک اس وقت تک ترقی نہیں کر سکتا جب تک کہ اس کی نصف آبادی کو بھی برابر کے مواقع نے دئیے جائیں۔

As expected, The Taliban bans Women's higher education until further notice.

The Taliban had already placed restrictions on the subjects women could study at universities. Secondary schools for girls were closed after their takeover of Kabul. pic.twitter.com/LvIvBz61Vs

— Ali Amani | علی امانی (@TheAliAmani) December 20, 2022

اعلیٰ تعلیم پر پابندی ملک بھر میں یونیورسٹی کے داخلے کے امتحانات میں ہزاروں لڑکیوں اور خواتین کے بیٹھنے کے تین ماہ سے بھی کم وقت کے بعد لگائی گئی ہے، جن میں سے بہت سے مستقبل کے کیریئر کے طور پر تدریس اور طب کا انتخاب کرنے کی خواہشمند ہیں۔ یونیورسٹیاں اس وقت موسم سرما کی تعطیلات پر ہیں اور مارچ میں دوبارہ کھلنے والی ہیں۔

یہ بھی پڑھیں: 

• ایلون مسک ڈھونڈ رہے ہیں ٹوئٹر کا نیا سی ای او! اب بلو ٹک سبسکرائبرس ہی کرپائیں گے ووٹ


• بنا میک اپ لُک ویڈیو کو لے کر بری طرح ٹرول ہوئیں انوشکا شرما، یوزر نے کہا-’بڑھاپا آگیا‘


• سنی لیونی کی فلم’OMG‘کی سامنے آئی ریلیز ڈیٹ،فلمی پردے پر نظر آئے گا اداکارہ کاکوئن اوتار


• چین سمیت کئی ممالک میں کورونا کے بڑھتے کیسیز پر حکومت الرٹ، منڈاویا آج کریں گے اہم میٹنگ

طالبان کی جانب سے حکومت سازی کے بعد یونیورسٹیوں کو صنفی لحاظ سے الگ کلاس رومز اور داخلے سمیت نئے قوانین نافذ کرنے پر مجبور کیا گیا، جب کہ خواتین کو صرف خواتین پروفیسرز یا بوڑھے مردوں کے ذریعے پڑھانے کی اجازت تھی۔ ملک بھر میں زیادہ تر نوعمر لڑکیوں پر پہلے ہی ثانوی اسکول کی تعلیم پر پابندی عائد کر دی گئی ہے۔

ان کے ترجمان نے منگل کو کہا کہ اقوام متحدہ کے سیکرٹری جنرل انتونیو گوٹیرس پابندی سے سخت پریشان ہیں۔ اسٹیفن ڈوجارک نے ایک بیان میں کہا کہ سیکرٹری جنرل اس بات کا اعادہ کرتے ہیں کہ تعلیم سے انکار نہ صرف خواتین اور لڑکیوں کے مساوی حقوق کی خلاف ورزی کرتا ہے بلکہ اس سے ملک کے مستقبل پر تباہ کن اثرات مرتب ہوں گے۔