ترک صدر رجب طیب اردوان نے اقوام متحدہ کی جنرل اسمبلی سے کیاخطاب، چھیڑا مسئلہ کشمیر، کہی یہ باتیں

Turkish President Erdogan Rakes Up Kashmir Issue: ترکی کے صدر رجب طیب اردوان (Recep Tayyip Erdogan) نے منگل کے اقوام متحدہ کی جنرل اسمبلی کے اعلیٰ سطحی اجلاس سے عالمی رہنماؤں سے خطاب کے دوران ایک بار پھر مسئلہ کشمیر کو اٹھایا ہے۔ پاکستان کے قریبی اتحادی اردگان نے عام اجلاس میں کہا کہ ’’ہندوستان اور پاکستان نے 75 سال قبل اپنی خودمختاری اور آزادی قائم کرنے کے بعد بھی ایک دوسرے کے درمیان امن اور یکجہتی قائم نہیں کی ہے۔ یہ بہت بدقسمتی کی بات ہے۔ ہم امید کرتے ہیں اور دعا کرتے ہیں کہ کشمیر میں ایک منصفانہ اور مستقل امن اور خوشحالی قائم ہو‘‘۔

ان کا یہ تبصرہ جمعہ کو ازبک شہر سمرقند میں شنگھائی تعاون تنظیم کے سربراہی اجلاس کے موقع پر وزیر اعظم نریندر مودی (Narendra Modi) سے ملاقات کے ایک ہفتہ سے بھی کم وقت کے بعد آیا ہے۔ اس دوران انہوں نے دو طرفہ تعلقات کا جائزہ لیا اور مختلف شعبوں میں تعاون کو مضبوط کرنے کے طریقوں پر تبادلہ خیال کیا۔

حالیہ برسوں میں ترک رہنما نے اقوام متحدہ کی جنرل اسمبلی کے اعلیٰ سطحی اجلاس میں عالمی رہنماؤں سے اپنے خطاب میں مسئلہ کشمیر کا حوالہ دیا ہے، جس کی وجہ سے ہندوستان اور ترکی کے درمیان تعلقات میں تناؤ پیدا ہوا ہے۔

Birleşmiş Milletler Genel Kurulu 77’nci toplantısının, insanlığın umut ve beklentilerine cevap teşkil edecek başarılara imza atacak şekilde verimli geçmesini, ülkelerimiz ve tüm insanlık için hayırlara vesile olmasını diliyorum. #UNGA pic.twitter.com/1Eub6cWpNf

— Recep Tayyip Erdoğan (@RTErdogan) September 20, 2022

یہ بھی پڑھیں: 

• میکسیکو میں زلزلے، 7.6 شدت کے جھٹکے، ہائی الرٹ جاری اور احتیاط کا مشورہ


• برطانیہ کے لیسٹر میں فرقہ وارانہ تشدد، ہند و پاک میچ کے نتیجے میں ہنگامہ آرائی، جانیےتفصیل


• ملکہ الزبتھ دوم کو دی گئی آخری وداعی، سینٹ جارج چیپل کے شاہی 'والٹ' میں اتاری گئی میت

ماضی میں ہندوستان نے ان کے ریمارکس کو مکمل طور پر ناقابل قبول قرار دیتے ہوئے کہا تھا کہ ترکی کو دوسری قوموں کی خودمختاری کا احترام کرنا سیکھنا چاہیے اور اپنی پالیسیوں پر مزید گہرائی سے غور کرنا چاہیے۔