سدھیرچودھری کو متحدہ عرب امارات کی شہزادی نے کہا 'دہشت گرد' ابو ظہبی میں ہونے والے پروگرام سے ہٹایا

نئی دہلی:  ہندستانی صحافی اور ٹی وی اینکر سدھیر چودھری کو ابو ظہبی میں ہونے والے چارٹرڈ اکاؤنٹنٹس پروگرام کی فہرست سے نکال دیا گیا ہے۔ سدھیر چودھری پہلے اس پروگرام میں بطور اسپیکر شرکت کرنے والے تھے لیکن یو اے ای UAE  کی شہزادی ہینڈ بنت فیصل القاسم نے ان کی پروگرام میں شرکت پر سوالات اٹھائے تھے۔ انہوں نے ہندستانی صحافی کو دہشت گرد بھی کہہ دیا جس کے بعد منعقدین کو ہندستانی  صحافی کا نام پروگرام سے ہٹانا پڑا۔

یو اے ای کی شہزادی ہینڈ بنت فیصل القاسم نے کہا، ایک ہندستانی اینکر جو صبح و شام مسلمانوں کی توہین کرتا ہے۔ انہیں اس ملک میں بولنے اور عزت کیلئے مدعو کیا  جاتا ہے جس کی وہ ہر وقت توہین کرتا ہے۔ اس کے بعد قاسم نے انسٹی ٹیوٹ آف چارٹرڈ اکاؤنٹنٹس آف انڈیا (آئی سی اے آئی) ابوظہبی کے ممبران کی طرف سے جاری کردہ ایک خط کو ٹویٹ کیا جس میں بتایا گیا کہ سدھیر چودھری ابوظہبی چارٹرڈ اکاؤنٹنٹس کے مقررین کے پینل کو سے باہر ہو گئے  ہیں۔

How dare you invite an Islamophobe to my peaceful country?!? @icaiauh تخيلوا هذا المذيع يسب في المسلمين صبح و ليل و مدعوا لحفل عشان يتكلم و يكرم و يشرفهم في الدوله التي يسبها و يشهر فيها ؟! #هزلت #Islamophobia #MuslimHolocaust

— Hend F Q (@LadyVelvet_HFQ) November 19, 2021

شہزادی ہینڈ بنت فیصل القاسم نے ٹویٹ کر کے ہندستانی صحافی پر فرضیخبریں، اسلام و فوبیا اور فرقہ وارانہ منافرت پھیلانے کا الزام لگایا ہے۔ انہوں نے سوال کیا ہے کہ کیا ہمیں یہاں ایک پلیٹ فارم پر اور عوام میں ایک غیر پیشہ ور صحافی کو مدعو کرنا چاہئے؟ کیا ایسے اقدامات سے ہمیں اپنی عزت و وقار کو مجروح کرنا چاہیے؟

Sudheer Chaudhary dropped from the panel of speakers at the Abu Dhabi Chartered Accountants. pic.twitter.com/jD6JZrd84W

— Hend F Q (@LadyVelvet_HFQ) November 21, 2021

ہینڈ بنت فیصل القاسم نے ٹویٹ کیا اور لکھا، سدھیر چودھری اپنے اسلامو فوبک شوز بنانے  کے لیے جاتے ہیں اور ہندوستان کے 200 ملین مسلمانوں کو نشانہ بناتے ہیں۔ انہوں نے لکھا کہ ان کے پرائم ٹائم شو نے ملک بھر میں مسلمانوں کے خلاف تشدد کی حوصلہ افزائی کی ہے۔