உங்கள் மாவட்டத்தைத் தேர்வுசெய்க

    سلامتی کونسل نے کی ابوظہبی ڈرون حملے کی مذمت، UN میں ہندوستان کے سفیر تریمورتی نے کہا- دہشت گردی کے خاتمے کی خواہش کو ظاہر کرتاہے بیان

    اقوام متحدہ نے کی ابوظہبی پر ڈرون حملے کی شدید مذمت۔

    اقوام متحدہ نے کی ابوظہبی پر ڈرون حملے کی شدید مذمت۔

    حوثی باغیوں نے حملے کے کچھ دیر بعد ہی اس کی ذمہ داری لے لی۔ وہیں، UAE نے کہا ہے کہ وہ اس حملے کا سخت جواب دے گا۔ یہی وجہ ہے کہ سعودی عرب نے اگلے ہی دن حوثی باغیوں کے ٹھکانوں پر فضائی حملے کیے ہیں۔

    • Share this:
      متحدہ عرب امارات (UAE) کے دارالحکومت ابوظہبی (Abu Dhabi) میں انٹرنیشنل ایئرپورٹ اور قریب کے ایک انڈسٹریل علاقے پر ہوئے مشتبہ حملے کو لے کر اقوام متحدہ سلامتی کونسل (UN Security Council) نے اس کی مذمت کی ہے۔ وہیں اقوام متحدہ میں ہندوستان کے سفیر ٹی ایس تریمورتی نے کہا، ’اقوام متحدہ سلامتی کونسل کی جانب سے جاری پریس اعلامیہ دہشت گرد حملے کو ختم کرنے کے لئے ہماری مشترکہ خواہش کی تصدیق کرتا ہے۔ اس دہشت گردانہ حملے میں دو ہندوستانیوں کی موت ہوگئی ۔ وزیرخارجہ ایس جئے شنکر (S Jaishankar) نے اپنے یو اے ای کے ہم منصب کو بتایا کہ ہندوستان اس حملے کی مذمت کرتا ہے۔‘


      حوثی باغیوں کی جانب سے کیے گئے اس حملے میں دو ہندوستانی اور ایک پاکستانی شہری کی موت ہوگئی تھی۔ اس حملے میں چھ دیگر لوگ زخمی بھی ہوئے، جس مین دو ہندوستانی بھی شامل تھے۔ زخمی ہندوستانیوں کو علاج کے بعد چھٹی دے دی گئی۔ پولیس نے بتایا کہ دھماکہ، ’چھوٹی چھوٹی اڑنے والی چیزوں‘ کی وجہ سے ہوا، جو ممکنہ ڈرون ہوسکتے ہیں اور یہ ابوظہبی میں تین پیٹرولیم ٹینکروں پر گرے۔ حوثی باغیوں نے حملے کے کچھ دیر بعد ہی اس کی ذمہ داری لے لی۔ وہیں، UAE نے کہا ہے کہ وہ اس حملے کا سخت جواب دے گا۔ یہی وجہ ہے کہ سعودی عرب نے اگلے ہی دن حوثی باغیوں کے ٹھکانوں پر فضائی حملے کیے ہیں۔

      اقوام متحدہ سلامتی کونسل نے کیا کہا؟
      سلامتی کونسل کے ارکان نے پیر 17 جنوری کو متحدہ عرب امارات کے ابوظہبی میں اور ساتھ ہی سعودی عرب کے دیگر مقامات پر ہوئے گھناونے دہشت گردانہ حملوں کی سخت الفاظ میں مذمت کی ہے۔ حوثی باغیوں کی جانب سے کیے گئے اور دعویٰ کیے گئے حملوں میں تین شہری مارے گئے اور چھ دیگر عام شہری زخمی ہوگئے۔ سیکورٹی کونسل کے ارکان نے حوثی باغیوں کے حملوں کے متاثرین کے افراد خاندان اور ہندوستان و پاکستان کی حکومتوں کے تئیں اپنی گہری ہمدردی اور تعزیت کی۔ انہوں نے زخمیوں کے جلد اور مکمل صحتیاب ہونے کی تمنا کی۔ سیکورٹی کونسل کے ارکان نے پھر سے اس بات کو دوہرایا کہ دہشت گردی اپنے سبھی شکلوں میں بین الاقوامی امن اور سیکورٹی کے لئے سب سے گمبھیر خطروں میں سے ایک ہے۔
      Published by:Shaik Khaleel Farhaad
      First published: